مه‌زنترین كوتله‌یا نه‌ته‌وه‌یى یا گه‌لێ مه‌سیحى و كلدانى و ئاشوورى و سریانى پشته‌ڤانیا ده‌ستپێشخه‌رییا سه‌رۆك بارزانى دكه‌ن

ئانۆ جه‌وهه‌ر سه‌رۆكێ هه‌ڤپه‌یمانیا ئێكه‌تیا نه‌ته‌ویى د پێگه‌هێ خوه‌ دا ل سه‌ر تورا فه‌یسبۆكى د داخویانییه‌كا نڤێسكى دا به‌لاڤكریه‌ و، تێدا پشته‌ڤانیا خوه‌ بۆ ده‌ستپێشخه‌رییا سه‌رۆك بارزانى یا ده‌رباره‌یى كومبوونا لایه‌نێن سیاسیى بمه‌ره‌ما بدوماهى ئینان ب ئالوزیێن سیاسى كر و راگه‌هاند، هه‌رێما كوردستانێ ل ڤان دوماهیان د ره‌وشه‌كا سیاسى یا ئالۆز یا دناڤبه‌را پێكهاته‌یێن سیاسیێن جودا دا ده‌ربازبوویه‌ و، ئه‌ڤه‌ ژى ژ ئه‌نجامێ نه‌گه‌هشتن ب رێككه‌فتنێ ده‌رباره‌یى چه‌ند پرسه‌كێن هه‌ڵاویستى، جه‌نابێ سه‌رۆك بارزانى په‌یام و داخوازنامه‌ و ده‌ستپێشخه‌رییه‌كا راگه‌هاندى بمه‌ره‌ما كومبوونا ئالیێن، سیاسى پێكڤه‌ لسه‌ر مێزه‌یا گوتوبێژان روینن بتایبه‌تى هه‌ردوو پارتیێن سه‌ره‌كى پارتى و ئێكه‌تى بۆ چاره‌سه‌ركرنا ئاریشه‌یان ب گوتوبێژێن برایانه‌ و ب پشته‌ڤانیا راسته‌وخۆیا جه‌نابێ سه‌رۆكى بدوماهى بكێشه‌یان بینین و، ئاماژه‌ ب وێ چه‌ندێ ژى كریه‌ ئه‌و وه‌كو هه‌ڤپه‌یمانیا ئێكه‌تى یا نه‌ته‌وه‌یى و مه‌زنترین كوتله‌یا نه‌ته‌وه‌یى یا گه‌لێ مه‌سیحى و كلدانى و ئاشوورى و سریانى ل په‌رله‌مانێ كوردستانێ، هه‌ڤده‌نگى و پشته‌ڤانیا خوه‌ بۆ وێ ده‌ستپێشخه‌ریا بهادار رادگه‌هینین و، رۆلێ سه‌رۆك بارزانى د چاره‌سه‌ركرنا كێشه‌ و هه‌ڤڕكیان دا بلند د نرخینین