محه‌مه‌د حاجى مه‌حمود گوت، دراستى دا ئه‌م چاڤه‌رێ په‌یامه‌كا بڤى ره‌نگى بووین بۆ بدوماهى ئینان كێشه و ئاریشه‌یان
محه‌مه‌د حاجى مه‌حمود سه‌رۆكێ پارتیا سۆسالیست دیموكراتا كوردستانێ راگه‌هاند، دراستى دا ئه‌م چاڤه‌رێ په‌یامه‌كا بڤى ره‌نگى بووین بۆ بدوماهى ئینان كێشه و ئاریشه‌یان، به‌لێ ئه‌و رۆژه هه‌م رۆژه‌كا مێژوویى بوو، ژبه‌ر ڤه‌كرنا موزه‌خانه‌یا بارزانیێ نه‌مر و یادگه‌ها نیشتیمانیا بارزانى و، دهه‌مان ده‌م دا ده‌ستپێشخه‌ریا سه‌رۆك بارزانى زۆر رۆن و ئاشكرا بوو ده‌رباره‌یى چاره‌سه‌ركرنا كێشه‌یان و، چو ل هه‌رێما كوردستانێ و چو ل عیراقێ و ده‌ڤه‌رێ بگشتى و ناڤبرى گوت ژى، هیڤیدارین ئه‌ڤ پێنگاڤه نه‌بتنێ رێكخستنا ناڤمالا كوردى، به‌لكو ب بیته بنه‌مایه‌ك بۆ وێ چه‌ندێ جڤاته‌كا سیاسیا شیره‌تكارى بێته دروستكرن، داكو هه‌مى حزبێن د حكومه‌تێ دا و یێن ژده‌رڤه‌یى حكومه‌تێ ژى تێدا بێنه كومكرن و، ئه‌و جڤاته ب بیته جهه‌ك بو بریارێن سیاسى و ئێمناهى و نه‌ته‌وه‌یى ل كوردستانێ
