شانده‌كێ وه‌زاره‌تا پێشمه‌رگه‌یى نها ل فه‌ره‌نسایه‌ و دێ كومبوونان دگه‌ل به‌رپرسێن سه‌ربازیێن وى وه‌لاتى ئه‌نجامده‌ن

شانده‌كێ وه‌زاره‌تا پێشمه‌رگه‌یى نها ل پاریسا پایته‌ختێ فه‌ره‌نسایه‌ و دێ ژماره‌یه‌ك دیدار و كومبوونان دگه‌ل به‌رپرسێن سه‌ربازیێن وى وه‌لاتى ئه‌نجامده‌ن و پاشان د رێوره‌سه‌مه‌كێ سه‌ربازیى دا و ب ئالایێ كوردستانێ و فره‌نسا دێ تاجه‌گولینه‌یه‌كێ لسه‌ر گلكوا سه‌ربازێ به‌رزه‌ و كڤانا سه‌ركه‌فتنێ دانیت، مێژوویا دروستبوونا كڤانا سه‌ركه‌فتنێ یان ژى سه‌ربازێ به‌رزه‌ ، ل پاریس بۆ سه‌رده‌مى ناپلیون بونابورت ڤه‌دگه‌ریت، كو ئێكه‌ ژ سومبولێن نیشتیمانیێن، فه‌ره‌نسا شاندێ وه‌زاره‌تا پێشمه‌رگه‌یى پێكهاتیه‌ ژ عه‌بدولخالق بابیرى و بریكارێ وه‌زاره‌تا پێشمه‌رگه‌یى دگه‌ل ژماره‌یه‌ك ژ فه‌رمانده‌یێن پێشمه‌رگه‌یى و، ئارمانج ژڤێ سه‌ره‌دانێ بۆ بهێزكرنا په‌یوه‌ندیێن، سه‌ربازى یێن دناڤبه‌را هه‌رێما كوردستانێ و فه‌ره‌نسایه‌ و، نوێنه‌رێ حكومه‌تا هه‌رێما كوردستانێ و ده‌زگه‌هێ پێشمه‌رگه‌یى ب هاریكاریا فه‌دراسیونا جه‌نگاوه‌رێن دێرینێن فه‌ره‌نسا ئه‌ڤ سه‌ره‌دانه‌ هاتیه‌ رێكخستن، هه‌ڤده‌م فه‌ره‌نسا ئێكه‌ ژ وان وه‌لاتێن ئه‌ورۆپى یێن په‌یوه‌ندیێن مێژووى دگه‌ل هه‌رێما كوردستانێ هه‌نه‌ و لده‌مێ ژناڤبرنا داعشێ ژى دهاریكاریكرنا پێشمه‌رگه‌یى دا رۆله‌كێ بهێز هه‌بوون