نه‌ریمان تالب په‌یڤدارا وه‌زاره‌تا داد گوت، ئێكه‌م ئافره‌تا كریستیان وه‌كو دادنووس ده‌ستبكاربوو

نه‌ریمان تالب په‌یڤدارا وه‌زاره‌تا داد گوت، هه‌یبه‌ نه‌جیب عه‌بو بوویه‌ ئێكه‌م ئافره‌تا كریستیان وه‌كو دادنووس ل فه‌رمانگه‌ها دادنووسا عه‌نكاوه‌ ده‌ستبكاردبیت و، ناڤبریى گوت ژى، د پێدانا پوستێن جیاواز دا نابیت جێوازى بێته‌كرن دناڤبه‌را ئافره‌ت و زه‌لام و پێكهاته‌یێن جیاوازدا، قه‌زایا عه‌نكاوه‌ پێدڤى ب دادنوسى بوو و هه‌یبه‌ نه‌جیب ئافره‌ته‌كا ژێهاتى و خودان شیانه‌ و خزمه‌تا وێ یا یاسایى دبنه‌ سێزده‌ سال و بشیان و ژێهاتنا خوه‌ گه‌هشتیه‌ وى پۆستى و، ژلایه‌كێ دیترڤه‌ فه‌رسه‌ت ئه‌حمه‌د وه‌زیرێ داد یێ حكومه‌تا هه‌رێما كوردستانێ د راگه‌هاندنه‌كێ دا ده‌رباره‌یى ده‌ستبكاربوونا هه‌یبه‌ نه‌جیب عه‌بو گوت، د پێًدانا پوستان و دانانا به‌رپرسێن فه‌رمانگه‌هاندا ئه‌م ناپرسین ئه‌و فه‌رمانبه‌ره‌ سه‌ر ب چو پێكهاته‌ یان ئاین و نه‌ته‌وه‌یه‌كێ كوردستانێ یه‌، یان سه‌ر ب چو ئالیه‌كێ سیاسیه‌ ، به‌لكو بو مه‌ پاكى و ژیهاتى و شاره‌زایى و شێوازێ كاركرنا وى كه‌سى و خزمه‌تكرنا وه‌لاتیان به‌ریا هه‌رتشته‌كێ یه‌ و گرنگه‌