فازل میرانى گوت، سه‌رۆك بارزانى باشترین ده‌رفه‌ت دیت بۆ نیشاندانا ده‌ستپێشخه‌ریه‌كێ بۆ لایه‌نێن سیاسى
فازل میرانى به‌رپرسێ ده‌سته‌یا كارگێریا مه‌كته‌با سیاسى یا پارتى دیموكراتى كوردستان راگه‌هاند، سه‌رۆك بارزانى د رێوره‌سمێن ڤه‌كرنا موزه‌خانه‌یا نیشتیمانى یا بارزانى دا ب باشترین ده‌رفه‌ت دیت بۆ نیشاندانا ده‌ستپێشخه‌ریه‌كێ بۆ لایه‌نێن سیاسى و بتایبه‌تى پارتى و ئێكه‌تیێ و ژبه‌ریا ده‌مه‌كێ ژى وه‌ك سه‌ركردایه‌تیا پارتى مه گوته جه‌نابێ سه‌رۆكى كو مه‌ها ره‌مه‌زانێ و د جه‌ژنێ ژى دا ئه‌ڤێ ده‌ستپیشخه‌ریێ بكه‌ت و ئه‌وى ژى كه‌ره‌مكر و گوت، جارێ مه‌جالى بده‌نه من دائه‌ز خواندنه‌كێ بۆ ره‌وشێ بكه‌م و دیاره جه‌نابێ وى پێخوه‌ش بۆ به‌لێ هزر د هه‌لكه‌فته‌كێ دا دكر و ناڤبرى گوت ژى، نێزیك بوونا پارتى و ئێكه‌تیێ دێ زه‌مینه‌سازیێ بۆ هێزێن دیتر ژى كه‌ت، داكو هه‌ردوو ئالى لێكنێزیك بن و ب دویركه‌فتنا وان ژ ئێك و دوو دێ هێزێن دیتر یێن سیاسى كه‌ڤنه دوودلیێ و نزانن دگه‌ل كێ نێزیك بن، ژبه‌ر ڤێ چه‌ندێ ژى پتریا وان بێده‌نگى یان بێ لایه‌نى هه‌لبژارتینه بۆ پاشه‌رۆژا رێككه‌فتننامه‌یا ستراتیژى كو لسه‌ر دوو خالانه، ئێك مفایێ ملله‌تى و وه‌لاتى، یا دووێ مفایێ هه‌ردوو لایه‌نان ژ رێككه‌فتنێ هه‌م پارتى و هه‌م ژى ئێَكه‌تى
