مه‌سروور بارزانى، د رێوره‌سمیه‌كێ دا به‌رێ بنیاتى بۆ پرۆژه‌یه‌كێ به‌رهه‌م ئینانا كاره‌بێ كو ب وزه‌یا رۆژێ كاردكه‌ت دانا

مه‌سروور بارزانى سه‌رۆك وه‌زیرێن هه‌رێما كوردستانێ، د رێوره‌سمێن دانانا به‌رێ بنیاتى بۆ پرۆژه‌یه‌كێ به‌رهه‌م ئینانا كاره‌بێ كو ب وزه‌یا رۆژێ كاردكه‌ت راگه‌هاند، پلانا حكومه‌تێ زێده‌رتر خزمه‌تكرنا وه‌لاتیانه‌ و ئه‌م ژى به‌شه‌كین ژ خه‌لكێ خوه‌ و، سه‌رۆك وه‌زیرێن هه‌رێما كوردستانێ ئاماژه‌ ب وێ چه‌ندێ ژى كر، دنهادا خه‌لك په‌نایێ دبنه‌ به‌ر موالیده‌یێن ئه‌هلى بۆ دابینكرنا كاره‌بێ و حكومه‌تێ پروگرامه‌كێ هه‌یى بۆ وێ چه‌ندێ ب بهایه‌كێ كێمتر و ئه‌ركه‌كێ كێمتر كاره‌با بیست و چوار ده‌مژمێرى دابین بكه‌ت گوت ژى، ئه‌و پارێ دده‌نه‌ موالیده‌یان ئه‌گه‌ر ژوى كێمتر ژى بده‌نه‌ حكومه‌تێ دێ كاره‌با بیست و چوار ده‌مژمێرى دابین كه‌ین، د دوماهیا گوتارا خوه‌دا مه‌سروور بارزانى گوت، ئه‌م ده‌ستخوه‌شیێ ل وه‌زاره‌تا كاره‌بێ و كومپانیا ڤى پرۆژه‌یێ گرنگ دكین و هیڤیدارین پرۆژه‌یێ كاره‌بێ ب وزه‌یا رۆژێ و وزه‌یا نوى یا پاك و ژینگه‌ه دوست بیت و زێده‌تر گه‌شێ بكه‌ت ل كوردستانێ و جاره‌كا دیتر ده‌ستخوه‌شیێ ل هه‌وه‌ دكه‌م و هێڤیدارم هه‌مى ده‌ما سه‌ركه‌فتى بن و كوردستان ژى هه‌ر یا ئاڤه‌دان بیت