وه‌زاره‌تا كاره‌با هه‌رێمێ دیاركر، مه‌زنترین وێستگه‌هێ به‌رهه‌مئینانا كاره‌بێ ب وزه‌یا رۆژێ ل هه‌رێما كوردستانێ و عیراقێ دێ ئێته‌ ڤه‌كرن

وه‌زاره‌تا كاره‌با حكومه‌تا هه‌رێما كوردستانێ راگه‌هاند، دێ بیته‌ مه‌زنترین وێستگه‌هێ به‌رهه‌مئینانا كاره‌بێ ب وزه‌یا رۆژێ ل هه‌رێما كوردستانێ و عیراقێ و، هه‌ڤده‌م كابینه‌یا نه‌هێ یا حكومه‌تا هه‌رێما كوردستانێ دده‌مێ ژیێ خوه‌دا چه‌ندین پێنگاڤێن مه‌زن بۆ پاراستنا ژینگه‌هێ و كێمكرنا كاریگه‌ریێن نه‌رێنى یێن وزێ و سوته‌مه‌نیێن وێستگه‌هێن به‌رهه‌مئینانا كاره‌بێ هه‌لگرتینه‌ و، وه‌زاره‌تا كاره‌بێ ئاشكرا ژى كر، ڤێ وێستگه‌هێ شیانیێن به‌رهم ئینانا بیست و پێنج مێگاواتێن كاره‌بێ و ژماره‌یه‌كا زۆر یا په‌نه‌لان بخوه‌ڤه‌ دگریت و دكه‌ڤیته‌ گوندێ مناره‌ ل ده‌وروبه‌رێن هه‌ولێرێ و ئه‌و كاره‌با به‌رهه‌م دئینیت دێ ب تورا نیشتیمانى ڤه‌ ئێته‌ گرێدان و، دنها دا بیست ژ سه‌دێ بۆ سیه ژسه‌دێ ژ به‌رهه‌مئینانا كاره‌بێ ل هه‌رێما كوردستانێ ژ وزه‌یا رۆژێ یه‌ و، حكومه‌تا هه‌رێما كوردستانێ ژى دخوازیت ئه‌ڤێ رێژه‌یێ بلندتر بكه‌ت بۆ ڤێ مه‌ره‌مێ ژى پرۆژه‌یێن ب ئه‌ڤى ره‌نگى جێبه‌جێ دكه‌ت