ب سه‌رپه‌رشتیا مه‌سروور بارزانى رێكخستنا دارایى یا گشتى یا هه‌رێما كوردستانێ هاته‌ گوتوبێژكرن

ب سه‌رپه‌رشتیا مه‌سروور بارزانى سه‌رۆكێ حكومه‌تا هه‌رێما كوردستانێ و ب ئاماده‌بوونا قوباد تاله‌بانى جێگرێ سه‌رۆكێ حكومه‌تێ، كومبوونه‌كا تایبه‌ت ب رێكخستنا دارایى یا گشتى یا هه‌رێما كوردستانێ ڤه‌ هاته‌ ئه‌نجامدان و، د كومبوونێ دا بریارا حه‌فتیا بووریى یا كومبوونا جڤاتا وه‌زیران ئاماژه‌ پێهاته‌ دان كو تێدا ب پتریا ده‌نگان بریارا رێكخستا دارایى یاگشتى ل سه‌رانسه‌رى هه‌رێمێ په‌سه‌ندكرن و سه‌رۆك و جێگرێ سه‌رۆكێ وه‌زیران هاتنه‌ سه‌رپشك كرن بۆ ده‌ستنیشانكرنا میكانزمه‌كا بله‌ز بۆ جێبه‌جێكرنا وێ بریارێ و، سه‌رۆكێ حكومه‌تێ ئاماژه‌ ب وێ چه‌ندێ دا كو دنهادا ب هاریكاریا پسپور و شاره‌زایێن ناڤخو و بیانى كار لسه‌ر دروستكرنا سیسته‌مه‌كێ دارایى و به‌نكیێ پێشكه‌فتى و هه‌ڤچه‌رخ ل هه‌رێما كوردستانێ دئێته‌كرن، هه‌روه‌سا دكومبوونێ دا داخواز هاته‌كرن حكومه‌تا فیدرالى و لایه‌نێن سه‌ره‌كیێن پێكئینه‌رێن كابینه‌یا ویزارى، لدوویڤ ده‌ستوورى پابه‌ند بن ب جێبه‌جێكرنا رێككه‌فتنان و زامنكرنا شایسته‌ و مافێن هه‌رێما كوردستانێ هه‌ڤشێوه‌یى ده‌ڤه‌رێن دیتر یێن عیراقێ