هێمن هه‌ورامى دیاركر، سه‌رۆكا په‌رله‌مانى ب شێوه‌یه‌كێ نه‌یاسایى بزاڤا بدوماهى ئینانا روینشتێ كر

جێگرێ سه‌رۆكێ په‌رله‌مانێ كوردستانێ ده‌رباره‌یى كومبوونا ئه‌ڤرۆ یا په‌رله‌مانى راگه‌هاندنه‌ك بۆ سازیێن هه‌رێما كوردستانێ و رایا گشتى به‌لاڤكر و، دراگه‌هاندنێ دا هاتیه‌، سه‌رۆكا په‌رله‌مانى ب نه‌یاسایى و نه‌په‌یره‌وى بزاڤا بدوماهى ئینانێ كر و روینشتنا په‌رله‌مانى ب جه هێلا و جێگرێ سه‌رۆكێ په‌رله‌مانى ئاماژه‌ ب وێ چه‌ندێ ژى كریه‌، لژێر رۆناهیا ئه‌و ده‌سه‌لاتێن كو برگه‌یا ئێكێ ژ مادده‌یێ نوزدێ یا په‌یره‌وێ ناڤخو بمه‌ هاتیه‌دان بو هه‌مى ده‌سه‌لاتێن سه‌رۆكێ په‌رله‌مانى لده‌مێ نه‌ ئاماده‌بوونا وى دا، من سه‌رۆكایه‌تیا روینشتنا ئاماژه‌ پێكرى كر ب پشتگرێدان ب بنه‌ما و په‌یره‌وان روینشتن برێڤه‌چوویه‌ و، ئاماژه‌ ب وێ چه‌ندێ ژى هاتیه‌ كرن، هه‌مى ده‌رئه‌نجامێن وێ روینشتنێ پشتى به‌رده‌وامبوونا بهاێن یاسایى دێ په‌یره‌وێن خوه‌ هه‌بن