لقێ ٨ێ پارتی ئاریشەیەکا خوینداریێ چارەسەرکر

ب بەرهەڤبینا بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ و بەرێز گوهدار شێخۆ سەرپەرشتێ ئیدارا سەربەخۆیا زاخۆ و بەرێز مشیر محمد بشیر قایمەقامێ قەزا ناڤەندی یا زاخۆ و ماقیل و رهسپی و گەنجێن دوو بنەمالەیێن عەشیرەتێن میران و سلێڤانەیان، ئاریشەیەکا خوینداریێ هاتە چارەسەرکرن ژ لایێ لقێ ٨ێ پارتی ڤە ب سەرپەرشتیا بەرێز عەبدوللا بشار بەرپرسێ بەشێ کومەلاتیێ لقێ ٨ێ پارتی ل زاخۆ.

ب دیدەڤانی و بەرهەڤبوونا کەسایەتیێن دەڤەرێ، هەردوو لایان سوز دا کو ب برایانە بژین و یاسا سەروەر بیت بۆ هەر کریارو تاوانەکا دهێتە ئەنجامدان و ئێدی د ئێک باژێردا هەردوولا رێککەفتن کرن کو ئاشت ببن.