بەرپرسێ لقێ ٨ێ پارتی رێز ل لیژنا ئامادەکاریێن کونفرانسێ ئەندازیاران گرت
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبینا حەکیم عەبدوللا بەرپرسێ بەشێ جەماوەری و پیشەیی یێ لقێ هەشت، رێز ل لیژنا ئامادەکاریێن کونفرانسێ لقێ زاخۆ یێ سەندیکا ئەندازیارێن کوردستانێ گرت.
بەرپرسێ لقێ ٨ێ پارتی دیموکراتی کوردستان ل زاخۆ د هەڤدیتنەکی دا سوپاسیا ئەندازیارێن لیژنا ئامادەکاریێن کونفرانسێ لقێ زاخۆ یێ سەندیکا ئەندازیاران کر کو ماوەیەکە بێ وەستیان خزمەتا سەندیکایێ دکەن و د کەشەکێ دیموکراسی دا و بێ کێماسی هەلبژارتنێن ئەندازیاران ئەنجامدان.
بەرپرسێ لقێ هەشت زێدەباری پیرۆزکرنا ئەندازیارێن زاخۆ کو نوینەراتیا ئەندازیاران ل زاخۆ بوویە لقێ زاخۆ یێ سەندیکا ئەندازیاران، بەرهەڤیا پارتی دیموکراتی کوردستان ژی دایە دیارکرن کو هەر چ پێویستە دێ د خزمەتا تەخا ئەندازیاران دا بین کو رۆلەکێ گرنگ د ئاڤەدانکرنا باژێرێ مە دا د گێرن و خزمەتا ئەندازیاران بۆ باژێرێ زاخۆ ژ هەژی هەر رێزلێنانەکێ دبینین.
