بەرپرسێ لقێ ٨ێ پارتی پێشوازیێ ل جەند عەشیرەتێن کوردستانا باکوور دکت
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل شاندەکێ مەزنە عەشیرەت و رهسپی و ماقویلێن عەشیرەتا ئالۆشیان یێن دەڤەرا شەمزینان ل کوردستانا باکوور کر.
بەرپرسێ لقێ ٨ێ پارتی دیموکراتی کوردستان ل زاخۆ د هەڤدیتنەکی دا تەکەزی ل سەر برایەتیا کوردێن باکوور و باشوور کر کو ب تایبەت خەلکێ دەڤەرا شەمزینان رۆلەکێ بەرچاڤ هەبووینە د شورەشێن کوردی دا و خۆیاکر کو تێکەلیێن پارتی دیموکراتی کوردستان دگەل کوردێن باکوور و خزمەتا خەلکێ وان دەڤەران بۆ پارتی و رێبازا پیرۆزا بارزانی نەمر د دیرۆکێ دا ب گرنگ هەلدسەنگینین.
بەرێز عومەر ئۆرەیی دگەل شاندێ ناڤهاتی دانوستاندن ل دۆر پرسا ئارامیا وان دەڤەرا و رەوشا کوردان ل گۆند و باژێرێن سنۆری کر و زێدەباری خێرهاتنا شاندێ ناڤهاتی، بەرپرسێ لقێ هەشت باس ل رۆلێ پارتی دیمۆکراتی کوردستان کر کو هەمی دەما یا بەرهەڤ بوویە و پێنگاڤێن باش بۆ پرسا ئاشتی و برایەتیا کوردان ل کوردستانا باکوور هاڤێتینە و سیاسەتا پارتی ئەوە کو بێ فەرق و جوداهی و ب ئێک ئارمانج خزمەتا کوردێن هەرچوار پارچەیێن کوردستانێ بکەت.
