بەرپرسێ لقێ ٨ێ پارتی پێشوازی ل سەندیکایا هونەرێن چاندنێ یێن کوردستانێ کر
رێزدار عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل شاندەکێ سەندیکایا هونەرێن چاندنێ یێن کوردستانێ کر کو پێکهاتبوون عەبدوللا کەریم و مراد ئەحمەد ئەندامێن دەستەیا بلند یا سەندیکایێ و جەواد جەمال بەرپرسێ لقێ هەولێر و ئەحمەد سەلیم بەرپرسێ لقێ دهۆک و موستەفا حجی ئەحمەد نوینەرێ زاخۆ یێ سەندیکایا ناڤهاتی.
بەرپرسێ لقێ ٨ێ پارتی دیموکراتی کوردستان ل زاخۆ دگەل شاندێ ناڤهاتی باس ل رەوشا هەلبژارتنێن سەندیکایا ناڤهاتی کر ل باژێرێ زاخۆ کو ب ژڤانن ل دەمەک نزیک دەست ب پرۆسێسا هەلبژارتنێن دەستەیەکا نوی بهێتە کرن و نوینەراتیا زاخۆ ببیتە نڤێسینگەهـ و پتر گرنگی پێ بهێتە دان و بەرێز عومەر ئۆرەیی بەرهەڤییا لقێ ٨ێ پارتی دیارکر بۆ هەر کارو خزمەتەکا پێتڤی د کەرتێ چاندنێ و هەڤالێن بسپۆر د وارێ چاندنێ دا و تەکەزی ل سەر پێشڤەچوونا کەرتێ چاندنێ ل زاخۆ کر کو هەڤالێن شارەزا و دەرچوویێن چاندنێ ئەگەر د هاریکار بن د پێشکێشکرنا هزر و بیرۆکەیان دا بۆ باژێرێ مە ئەم بەرهەڤین و پشتەڤانین و ئەرکێ مەیە خزمەتا خەلکێ خوە و جوتیاران بکەین ب شانازیڤە.
