سەربلندین ب ئاڤەدانکرنا زاخۆ و دێ بەردەوام بین

باژێرێ زاخۆ، باژێرەکە خەلکێ وێ گەلەک قوربانی دایە و ژ هەژی خزمەتێن ستراتیژینە، د نوکە دا ئێدی باژێر بەرەڤ شارستانی و مەزنبوونەڤەیەکا مۆدرن دچیت ژبلی سەر ئاستێ کوردستانێ، بەلکو ل سەر ئاستێ عێراق و جیهانێ ژی چاڤەرێ دهێتە کرن زاخۆ ببیتە ئێک ژ جوانترین و پڕگەشتیارترین باژێر و ژ هەمی روویەکێ ڤە ئاڤەدانی و وەرارێ ب خوەڤە دبینیت.

زاخۆ ژبەرکو گرنگییەکا تایبەت هەیە و دکەڤیتە سەر سنوورێ ھەردوو وەلاتێن تورکیا و سووریا و مینا دەرگەھەکێ گرنگ یێ بازرگانی ژی دھێتە ناسکرن، ئێدی پلان و ستراتیژییەتا کارێ حکۆمەتێ دێ د خزمەتا ئاڤەدانییەکا بەردەوام دا بیت کو هیچ ڕاوەستیان و ڤەقەتیان نەکەڤیتە پرۆژەیێن ستراتیژی و د وارێ خزمەتکرنا رێک و جاددە و پرا و رێکخستنا ناڤ باژێری و کەرتێن ئاڤ و چاندن و کەسکاتیا ناڤ باژێری و ئاڤاکرنا قوتابخانە و نەخۆشخانەیا و ب تایبەت پرۆژەیێن گەشتیاری کو دەلیڤەیەکا باش بۆ خەلکێ دەڤەرێ پەیدا بکت و جوانییەکا زێدەتر بدەتە باژێرێ دەلالێ.

بۆ ئاڤەدانکرنا باژێرێ زاخۆ، مە وەکو پارتی دیموکراتی کوردستان کادرێن ژ هەژی و ئیداریێن خۆدان سەربۆر راسپاردینە خزمەتا زاخۆ و باتیفایا خۆشتڤی بکەن و بەرێز (گوهدار شێخۆ سەرپەرشتێ ئیدارا سەربەخۆیا زاخۆ) و بەرێزان (مشیر محمد قایمەقامێ قەزا ناڤەندیا زاخۆ و فەرهاد محموود قایمەقامێ قەزا باتیفا) بێ ماندیبوون و شەڤ و رۆژ خزمەتەکا بەردەواما خەلکێ قەزا ناڤەندیا زاخۆ و قەزا باتیفا دکەن و ئەم ژی وەکو لقێ ٨ێ پارتی دەستخۆشیێن بەردەوام ل ستافێ خوە یێ ئیداری دکەین و ب تایبەتی سوپاسیا خەلکێ سنۆرێ ئیدارا سەربەخۆیا زاخۆ ژی دکەین کو ب هەمی شێوەیەکێ دگەل مە و ستافێ مە یێ ئیداری دا د هاریکار و پشتەڤانن و ئەم ژی سوزێ ددەین و دبێژین سەربلندین ب ئاڤەدانکرنا زاخۆ و دێ بەردەوام بین و قەت ڕاناوەستین چونکی باژێرێ زاخۆ ژ هەژییە کو ئەم خزمەتکارێ خەلکێ وێ یێ خۆشتڤی بین.

لقێ ٨/ زاخۆ
پارتی دیموکراتی کوردستان
١٤ی خزیرانا ٢٠٢٣ێ