بەرپرسێ لقێ ٨ێ پارتی سەرەدانا پرۆژەیێ گەشتیاریێ زەمبیل فرۆش ل قەزا باتیفا کر
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ، د سەرەدانەکی دا بۆ قەزا باتیفا، سەرەدانا پرۆژەیێ گەشتیاریێ زەمبیل فرۆش کر و ژ لایێ وەبەرهێنەر حەجی مەشهود مەلا ئەمین ڤە پێشوازی لێ هاتەکرن.
بەرپرسێ لقێ ٨ێ پارتی دیموکراتی کوردستان ل زاخۆ سۆپاسیا وەبەرهێنەر حەجی مەشهودی کر کو گرنگییەکا زۆر دایە کەرتێ گەشتیاری ل باتیفا و پرۆژەیێ زەمبیل فرۆش و پرۆژەیێ سەید غەزال ل قەزا باتیفا ب شێوەیەکێ مودرن ئاڤاکرین و دەلیڤەیا کاری بۆ ب دەهان گەنجێن دەڤەرێ پەیداکری و خۆیاکر کو لقێ ٨ێ پارتی دیموکراتی کوردستان ب هەمی شیانێن خوەڤە دێ پشتەڤانێ هەمی وەبەرهێنەرێن دەڤەرێ و یێن بیانی بیت کو وەبەرهێنانێ د خزمەتا خەلکێ گرێدایی سنۆرێ ئیدارا سەربەخۆیا زاخۆ دابیت و دەستخۆشیێ ل کادرێن خوە یێن ئیداری ژی دکەین کو بێ ماندیبوون و ل گۆرەیی یاسایێن بەرکارێن هەرێما کوردستانێ هەمی ئاسانکاری بۆ وەبەرهێنەران کرینە ژ پێخەمەت ئاڤەدانکرنا قەزا ناڤەندیا زاخۆ و قەزا باتیفا و جوانکرنا سیمایێن ڤان هەردوو باژێرێن دەلال ب پرۆژەیێن گرنگ یێن گەشتیاری.
