بەرپرسێ لقێ ٨ێ پارتی ژ نزیک هایداری رەوشا ساخلەمیا مام حەبیب کەلەش دبیت

بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ، ب هەڤالینیا شاندەکێ لقێ هەشت و لیژنا ناوچا باتیفا یا پارتی، سەرەدانا مالا بەرێز مام حەبیب کەلەش پێشمەرگە و کادرێ دێرین و ماندی نەناس و ھەلگرێ میدالیا بارزانیێ نەمر دکەن و ژ نزیک هایداری رەوشا ساخلەمیا بەرێزی دبن.

‎بەرپرسێ لقێ ٨ێ پارتی دیموکراتی کوردستان ل زاخۆ باس ل رۆلێ گرنگێ مام حەبیب کەلەش کر د شورەشێن کوردی دا و خەبات و پێشمەرگایەتیا وی ب شانازییەکا مەزن وەسفکر بۆ کوردایەتیێ و پارتی و رێبازا پیرۆزا بارزانی نەمر و خۆیاکر کو سەرێ مە ب خەباتا مام حەبیب و هەمی پێشمەرگەیێن هەڤچەپەرێن وی و هەمی قارەمان و شەهیدێن باتیفا و زاخۆ، وەکی چیایەکی بلندە.