خزمەتکرنا قەزایێن زاخۆ و باتیفا و ب تایبەت ناحیێن دەرکار و رزگاری و بێگۆڤا ئەرکێ مەیە
ل دویڤ راسپاردەیێن رێزدار کاک مەسرور بارزانی سەرۆکێ حکومەتا ھەرێما کوردستانێ و ل دویڤ پێتڤییا خەلکی و ل بەرچاڤوەرگرتنا پلانێن کاری یێن کادرێن مە یێن ئیداری، پرۆژەیێن گرنگ یێن خزمەتگۆزاری ل سەنتەرێ قەزایێن زاخۆ و باتیفا و ب تایبەت ناحیێن دەرکار و رزگاری و بێگۆڤا ل سنۆرێ ل سنۆرێ ئیدارا سەربەخۆ یا زاخۆ بەردەوامن.
ئەم وەکو لقێ ۸ێ پارتی دیموکراتی کوردستان ل زاخۆ دێ بەردەوام د خزمەتا خەلکێ خوە دا بین بۆ پێشکێشکرنا پرۆژەیێن خزمەتگۆزاری و سوپاسی و دەستخۆشیێ ل بەرێز گوهدار شێخۆ سەرپەرشتیارێ ئیدارا سەربەخۆیا زاخۆ و بەرێزان قایمەقامێن قەزا ناڤەندیا زاخۆ و قەزا باتیفا و رێڤەبەرێ ناحیێن دەرکار و رزگاری و بێگۆڤا دکەین کو بەردەوام و بێ ماندیبوون ل خواست و داخوازیێن خەلکێ نزیکن و د نوکە ژی دا ئەو پرۆژەیێن ل خوارێ دیارکری کار تێدا دهێتە کرن و پتریا وان د قوناغا دوماهیێ دانە:
١- چێکرنا جادا جووت ساید یا ستراتیژی و گرنگ بۆ هاتوچوویا هاولاتیان ل قەزا باتیفا ب درێژاهیا ١٧٠٠م.
٢- چێکرنا رێکا دناڤبەرا قائیمەقامیا قەزا باتیفا و سەنتەرێ قەزایێ و دگەل رێکێن ناڤخۆیی ب سۆلین ئاڤرێژێن خوەڤە ل ناحیا بێگوڤا.
٣- چێکرنا جادا جووت ساید یا ستراتیژی و گرنگ بۆ هاتوچوویا هاولاتیان ل ناحیا دەرکارێ ب درێژاهیا ١٦٥٠م.
٤- چێکرنا رێکێن ناڤخۆیی ل تاخێ سەرهلدان.
٥- دروستکرنا جادا جووت ساید یا ستراتیژی و گرنگ بۆ هاتوچوویا هاولاتیان دناڤبەرا (ئیبراهیم خەلیل – باچیکا) ب درێژاهیا ٣.٦٢کم.
٦- چێکرنا رێکێن ناڤخۆیی ل تاخێ بارزان کو گەلەک د گرنگن بۆ هاتوچوویا هاولاتیان.
٧- چێکرنا جادا کۆلیژا لەشکەریا زاخۆ کو گەلەک گرنگە بۆ هاتوچوویا هاولاتیان.
٨- چێکرنا جادا دادگەها زاخۆ کو گەلەک گرنگە بۆ هاتوچوویا هاولاتیان.
٩- بەرفرەهکرنا جادا پێشمەرگە کو گەلەک گرنگە بۆ هاتوچوویا هاولاتیان.
١٠- چێکرنا رێکێن ناڤخۆیی ل تاخێ تلکەبەرێ کو گەلەک د گرنگن بۆ هاتوچوویا هاولاتیان.
١١- چێکرنا سۆلین و ئاڤرێژ یێن چوارگوشە لسەر رێکا سەرەکی ژ کومەلگەها ئاڤاهیێن نشتەجێبوونێ یێن کێم دەرامەتان و گرێدانا وان ب تۆرا سۆلینێن (بەرێ) ل سەنتەرێ باژێری.
لقێ ۸/ زاخۆ
پارتی دیموکراتی کوردستان
۲٦/٦/۲٠۲۳
