بەرپرسێ لقێ ٨ێ پارتی پێشوازی ل رێڤەبەرێ گشتیێ باژێرڤانیێن پارێزگەها دهۆکێ کر
ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل بەرێز دیار بەحری رێڤەبەرێ گشتیێ باژێرڤانیێن پارێزگەها دهۆکێ کر.
پەرپرسێ لقێ ٨ێ پارتی دیموکراتی کوردستان ل زاخۆ دگەل رێڤەبەرێ گشتیێ باژێرڤانیێن پارێزگەها دهۆکێ باس ل رەوشا خزمەتگۆزاریێن رێڤەبەریا گشتی یا باژێرڤانییان کر و سوپاسیا بەرێز دیار بەحری کر کو ل دەمێ دەربازبوویی رۆلەکێ گرنگ هەبوویە د بەرزکرنا پلەیا باژێرڤانیا زاخۆ دا ژ پلە ئێک بۆ پلە نایاب و ئێکسەر باژێرڤانیا زاخۆ ب وەزارەتا باژێرڤانیان ڤە هاتیە گرێدان و هیڤیخواست کو بەردەوام بن ل سەر خزمەتکرنا خەلکێ ب گشتی و رێڤەبەرێ گشتیێ باژێرڤانیێن پارێزگەها دهۆکێ بەرهەڤیا خوە دیارکر بۆ هەر خزمەت و هەماهەنگییەکا کو باژێرڤانیا زاخۆ و رێڤەبەریا گشتی یا باژێرڤانیان ل زاخۆ پێ هەبیت و خۆیاکر کو زاخۆ ژ هەژییە خزمەت بۆ بهێتە کرن و زاخۆ نوکە د گەشەیەکا جوان و بلەز یا ئاڤەدانیێ دا یە.
