بەرێز عومەر ئۆرەیی پێشوازی ل شاندەکێ سکرتارییەتا ئێکەتیا لاوێن دیموکراتا کوردستانێ کر
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ ب بەرهەڤبوونا بەرێزان عەبدوللا بشار و ئەبو جیهان کارگێرێن لقێ ۸ێ پارتی، پێشوازی ل بەرێز مەیسەر عوبەید سکرتێرێ ئێکەتیا لاوێن دیموکراتا کوردستانێ و شاندەکێ مەکتەبا سکرتاریەتا ئێکەتیا لاوان کر.
بەرپرسێ لقێ ٨ێ پارتی دیموکراتی کوردستان ل زاخۆ دگەل شاندێ ئێکەتیا لاوێن دیموکراتا کوردستانێ باس ل رەوشا لاوان ل کوردستانێ ب گشتی و لاوێن سنۆرێ ئیدارا سەربەخۆیا زاخۆ ب تایبەت کر و بەرێز عومەر ئۆرەیی خۆیاکر کو سەرکردایەتیا پارتی دیموکراتی کوردستان هەردەم تەکەزی ل سەر شیانێن لاوان کریە ژبۆ ئاڤەدانکرنا هەرێما کوردستانێ و ئەم وەکو لقێ ۸ێ پارتی ل زاخۆ ژی پشتەڤانین ل لاو و گەنجێن خوە یێن خۆشتڤی و سەربلندین کو رێکخراوا ئێکەتیا لاوان خزمەتەکا ژ هەژی پێشکێشی لاوێن سنۆرێ ئیدارا سەربەخۆیا زاخۆ کرینە و ب درێژاهیا دیرۆکا دامەزراندنا خوە، ڤێ رێکخراوەیێ هەتا نوکە، سەرکردەیێن لاو پێگەهاندینە ژبۆ خزمەتکرنا گەلێ کورد و کوردستانییان.
