پرۆژەیێن ستراتیژیێن کابینەیا نەهێ ژبۆ ئیدارا سەربەخۆیا زاخۆ، مەزنترین شانازیێن خزمەتکرنێ نە
ئێک ژ شانازیێن حکۆمەتا هەرێما کوستانێ و ب تایبەت ل سەردەمێ کابینەیا نەهێ ژبۆ قەزا زاخۆ و پاشان سەردەمێ پەیدابوونا ئیدارا سەربەخۆیا زاخۆ ب هەردوو قەزایێن خوە یێن (قەزا ناڤەندیا زاخۆ و قەزا باتیفا) ڤە ئەوە کو گەلەک پرۆژەیێن ستراتیژی ژبۆ ڤەژەنا باژێری کەتنە د وارێ بجهئینانێ دا، بتنێ د سەردەمێ ئیدارا سەربەخۆیا زاخۆ دا ۱٥۹ پرۆژەیێن جودا جودا یێن خزمەتگۆزاری ژ لایێ حکۆمەتێ ڤە ب رێکا ئیدارا سەربەخۆ هاتینە بجهئینان و ژ وان پرۆژەیان ژی ۱۲٤ پرۆژە ب دوماهی هاتینە و پرۆژەیێن ماین ژی ل دەمەک نزیک دێ ب دوماهی هێن و کەڤنە د خزمەتا وەلاتیان دا.
ئەم وەکو پارتی دیموکراتی کوردستان و لقێ هەشت ل زاخۆ، سوپاسی و دەستخۆشیێن بێ سنۆر ل بەرێز مەسرور بارزانی سەرۆکێ حکۆمەتا کوردستانێ و بەرێز گوهدار شێخۆ سەرپەرشتێ ئیدارا سەربەخۆیا زاخۆ و بەرێز مشیر محمد بشیر قایمەقامێ قەزا ناڤەندیا زاخۆ و بەرێز فەرهاد محموود قایمەقامێ قەزا باتیفا و بەرێزان رێڤەبەرێن ناحیێن (رزگاری، دەرکار و بێگۆڤا) و هەمی رێڤەبەرێن گشتی و رێڤەبەرێن سازیێن حکۆمی دکین کو پێکڤە ب ئێک تیم بەرنامەیێ پارتی دیموکراتی کوردستان ل کابینەیا ۹ێ یا حکۆمەتێ دا ژبۆ قەزایێن زاخۆ و باتیفا و ناحیێن دەرکار و رزگاری و بێگۆڤا یێن گرێدایی سنۆرێ ئیدارا سەربەخۆیا زاخۆ بجهئیناین و پرۆژەیێن ستراتیژی یێن قێرکرن و دروستکرنا ریکێن ناڤ باژێر و گوندان و پرۆژەیێن گەشتیاری و ساخلەمی و پەروەردەیی و ژینگەهـ و کەسکاتیا ناڤ باژێری و پیشەسازی و وەبەرهێنان و هتد پێشکێشی خەلکێ مەیێ خۆشتڤی کرین.
بۆ خەلکێ خوە یێ خۆشتڤی دیار دکین کو هەر چ پێویستە بۆ قەزا و ناحیە و گۆندێن گرێدایی سنۆرێ ئیدارا سەربەخۆیا زاخۆ؛ ب سەربلندیڤە دێ ئەنجامدەین و ئەم ب شانازیڤە خزمەتکارێ خەلکێ خوەینە و سوپاسیا خەلکێ خوە یێ دلسۆز و خۆشتڤی ژی دکین کو هاریکارن دگەل کادرێن مە یێن ئیداری ژبۆ خزمەتکرنا باژێرێن زاخۆ و باتیفا، هەر وەکو چەوا پێشتر مە خزمەتکرییە، ب ئانەهیا خۆدێ و ب هاریکاریا خەلکێ زاخۆیا دەلال و باتیفا خۆڕاگر دێ بەردەوام بین و ڕاناوەستین.
لقێ ۸/ زاخۆ
پارتی دیموکراتی کوردستان
۱۷/۷/۲٠۲۳
