لقێ ۸ێ پارتی ل یادا پەیماننامەیا لۆزان دا:هەرێما کوردستانێ ئۆمێدا هەرچوار پارچەیێن کوردستانێ یە
ئەڤە سەد سال دەربازبوون ب سەر پەیماننامەیا لۆزان ئەوا کو ل ٢٤ی تەممووزا سالا ١٩٢٣ێ ژ لایێ وەلاتێن تورکیا، فەرەنسا، بەریتانیا، ئیتاڵیا، ژاپۆن و یۆگۆسلاڤیا ڤە هاتیە ئیمزاکرن بۆ دیارکرنا سنوورێ نوی یێ وەلاتێ تورکیا، کو ئەڤ پەیماننامەیە بوویە ئەگەرێ هەلوەشاندنا پەیماننامەیا سیڤەر ئەواکو ل پشتی شەرێ جیهانیێ ئێکێ و تێکشاندنا ئیمپراتۆریەتا ئۆسمانی، هەڤپەیمانێن رۆژئاڤایی یێن سەرکەفتی د شەرێ جیهانیدا ل سالا ١٩٢٠ێ کو سۆزدابوونە کوردان دەولەتا سەربەخۆیا کوردستانێ بهێتە چێکرن لێ ژئەگەرێ پەیدابوونا بزاڤەکا نەتەوەپەرستی یا تورکان ب سەرکردایەتیا موستەفا کەمال ئەتاتورک ئێدی پشتی سێ سالان، پەیماننامەیا سیڤەر هاتە هەلوەشاندن و ماوەیێ ١٠٠ سالانە پەیماننامەیا لۆزان جهێ وێ گرتی و د ئەنجامدا ل وی دەمی کورد ل تورکیا، عێراق، ئیران و سوریا وەکو پێکهاتەیەکا کەمینە هاتنە ل قەلەمدان و هەمی هەول و بزاڤێن سەربەخۆیا کوردستانێ شکاندن هەتاکو ریفراندۆما سەربەخۆیا کوردستانێ یا سالا ٢٠١٧ێ کو ٩٣٪ ژ خەلکێ کوردستانێ دەنگ ب سەربەخۆیا کوردستانێ داین، هەردیسان رێگری هاتنە کرن کو ئەگەر ژی ڤەدگەرن بۆ هندێ کو وەلاتێن زلهێز و دەستێ خیانەتکارییا ناڤخۆیی رێگر بووینە ل ڤێ هەولێ، و یا ئاشکرایە کو ل سەرانسەری جیهانێ کورد گەهشتینە ٧٠ ملیون کەسان لێ هێشتا وەکو مەزنترین نەتەوەیا بێ دەولەت ماینە د جیهانێ دا.
زێدەباری دەربازبوونا سەد سالێن پڕی زۆلم و ستەما جیهانێ ل گەلێ کورد ل هەرچوار پارچەیێن کوردستانێ، د سەر هندێ ڕا بۆ دەستڤەئینانا دەستکەفتێن نها و چێکرنا قەوارەیێ سیاسیێ هەرێما کوردستانێ ل کوردستانا باشوور، هەر ژ سەرکردایەتییا شێخ عەبدولسەلام بارزانی و شێخ محەمەد بارزانی و مەلا موستەفایێ بارزانی نەمر هەتا کو رێبەر و مەرجەعێ کوردان جەنابێ سەرۆک مەسعوود بارزانی، ب هزاران قوربانی هاتینە دان ژ پێخەمەت بەرەڤانیکرنا مافێن رەوایێن گەلێ کورد و هیڤیخوازین ئێدی ئەو لایەنێن د ناڤخۆیا هەرێمێ دا دربەیان ل قەوارەیێ مە یێ سیاسی ددەن دەرسەکێ ژ دیرۆکێ وەربگرن و بهێن د بازنەیا ئێکگرتنا کوردان دا و ئێدی هەرێما کوردستانێ ژی ژ هەر مەترسییەکا دەرەکی و نێڤدەولەتی بهێتە پاراستن ژبەرکو هەرێما کوردستانێ ئۆمێدا هەرچوار پارچەیێن کوردستانێ یە و بۆ هەر خیانەتکارییەکێ ژی دیرۆک دلۆڤانیێ ب چ کەس و لایەنان نابت.
لقێ ۸/ زاخۆ
پارتی دیموکراتی کوردستان
۲۳/۷/۲٠۲۳
