بەرێز عومەر ئۆرەیی پێشوازی ل قایمەقامێ قەزا ناڤەندیا یا زاخۆ کر
ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل بەرێز مشیر محمد بشیر قایمەقامێ قەزا ناڤەندیا زاخۆ کر.
بەرپرسێ لقێ ٨ێ پارتی دیموکراتی کوردستان ل زاخۆ دگەل بەرێز قایمەقامێ زاخۆ باس ل رەوشا پرۆژەیێن باژێرێ زاخۆ کرن و دەستخۆشی ل قایمەقامێ قەزا ناڤەندیا زاخۆ کر کو کونترۆلەکا باش ل بابەتێ زێدەگاڤیان ب گشتی و تایبەت زێدەگاڤیێن ناڤ باژێری دا کرین زێدەباری کو بەرێز مشیر محمد بشیر وەکو قایمەقام ژ نزیک دیڤچوونا پرۆژەیێن باژێری دکەت و بێ ماندیبوون خزمەتەکا ژ هەژی پێشکێشی خەلکێ زاخۆ دکەت و دیارکر کو ئەڤە ژی بۆ لقێ هەشت و پارتی دیموکراتی کوردستان سەربلندییە کو کادرێن مە یێن ئیداری ل وی ئاستێ بەرپرسیاریێ بیت کو خوە ب خزمەتکارێ خەلکێ مە یێ خۆشتڤی بزانیت؛ و ژ لایێ خوەڤە قایمەقامێ قەزا ناڤەندیا زاخۆ سوپاسیا بەرپرسێ لقێ هەشت کر کو هەماهەنگ و پشتەڤانن ژبۆ سازیێن زاخۆ یێن ئیداری و دیارکر کو خزمەتکرنا باژێری ئەرکەکێ پیرۆزە و شەڤ و رۆژان دکەینە ئێک بۆ هندێ خزمەتەکا ژ هەژی پێشکێشی خەلکێ خوە بکەین.
