بەرێز عومەر ئۆرەیی پێشوازی و رێزەکا ژ هەژی ل قارەمانێ زۆرانبازیێ شەهید حزنی و هۆنەرمەند کەلحی نیعمەت گرت
ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی بەرێز شەهید حزنی قارەمانێ زۆرانبازییا ئازاد کر کو پلا دوویێ و میدالیا زیڤی د قارەمانیا وەلاتێن عەرەبی دا ب یاریێن زۆرانبازیا ئازاد ل وەلاتێ جەزائیر دەستڤەئینایە و هەروەسا پێشوازی ل هۆنەرمەند کەلحی نیعمەت کر کو پلەیا ئێکێ د بەریکانەیەکا هۆنەری دا ل (منتدى اجراس الفن التشكيلي) ل سەر ئاستێ چەندین وەلاتێن عەرەبی دەستڤەهیناتیە و رێزەکا ژ هەژی ل هەردوو بەرێزان گرت.
بەرپرسێ لقێ ٨ێ پارتی دیموکراتی کوردستان ل زاخۆ خۆیاکر کو سەرکەفتنا هەر کوردەکێ و ب تایبەت کو خەلکێ باژێرێ زاخۆ بیت؛ مەزنترین شانازییە بۆ مە و دیارکر کو سەربلندییە بۆ خەلکێ باژێری ل دەما سەرکەفتنا کچ و کورێن ڤی باژێری سنۆران تێدپەرینن و ل سەر ئاستێ دەرڤە دبنە قارەمان و سەرکەفتنێن ئێکەم دەستڤە دهینن و ئەم وەکو لقێ هەشتێ پارتی ل زاخۆ پشتەڤانیێ ل هەر خۆدان شیانەکێ دکەین کو رێک بۆ بهێنە ڤەکرن و ببنە سەمبۆل و قارەمان و ناڤودەنگیا زاخۆ بگەهینن ئاستێ دەرڤە.
