بەرێز عومەر ئۆرەیی پێشوازی ل بەرێز گوهدار شێخۆ سەرپەرشتیارێ ئیدارا سەربەخۆیا زاخۆ کر
ئەڤرۆ ب هەلکەفتا ۷۷ـەمین سالیادا دامەزراندنا پارتی دیموکراتی کوردستان، بەرێز گۆهدار شێخۆ سەرپەرشتیارێ ئیدارا سەربەخۆیا زاخۆ سەرەدانا بارەگایێ لقێ ۸ێ پارتی کر و ژ لایێ بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ڤە ل زاخۆ پێشوازیی لێ هاتەکرن.
بەرپرسێ لقێ ٨ێ پارتی دیموکراتی کوردستان ل زاخۆ دگەل بەرێز گوهدار شێخۆ باس ل رەوشا خزمەتگۆزاریێن سنۆرێ ئیدارا سەربەخۆیا زاخۆ کرن ل هەردوو قەزایێن زاخۆ و باتیفا و ئالۆگورییا بۆچوونان هاتەکرن لدۆر پتر خزمەتکرنا خەلکێ دەڤەرێن زاخۆ و باتیفا و بەرێز عومەر ئۆرەیی زێدەباری ئاراستەکرنا دەستخۆشی و سوپاسیان بۆ سەرپەرشتیارێ ئیدارا سەربەخۆیا زاخۆ؛ خۆیاکر ژی کو هەر چ پێتڤییە بۆ باشترکرنا خزمەتێ و ئەنجامدانا پرۆژەیێن گرێدایی ژیانا خەلکێ دەڤەرێ، ئەم وەکو پارتی دیموکراتی کوردستان دێ ئەنجامدەین و خزمەتکرنا خەلکێ بۆ مە مەزنترین شانازییە.
