نووچه
بەرێز د. پشتیوان سادق و عومەر ئۆرەیی رێز ل ۷٠٠ قوتابیێن قوتابخانەیا سەرەڕم گرت
ئەڤرۆ بەرێز د. پشتیوان سادق، ئەندامێ مەکتەبا سیاسی و بەرپرسێ مەکتەبا رێکخستنا دهۆک یا پارتی و بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ و ب بەرهەڤبوونا بەرێز نێچیرڤان کەلاری سکرتێرێ ئێکەتیا قوتابیێن کوردستانێ د رێورەسمەکێ ژ هەژی دا رێز ل ۷٠٠ قوتابیێن کچ و کور گرت کو بەشداری خۆلێن ب هێزکرنێ یێن قوتابخانەیا سەرەڕم یا ئێکەتییا قوتابیێن کوردستانێ ببوون و ماموستایێن قوتابخانەیا سەرەڕم ژی هاتنە خەلاتکرن.
بەرپرسێ مەکتەبا رێکخستنا دهۆک یا پارتی د گۆتارەکێ دا دەستخوشی ل ئێگەتیا قوتابیان كرو پاشی بەحسێ بیرئینانا (35) سالیا ئەنفالێن دەڤەرا بادینان كرو خۆیاکر کو دڤێت قوتابی بەری هەر توێژەكا دی دیرۆکا خوە بخوینیت و بزانیت بۆ هندێ بزانیت کا چ ب سەرێ گەلێ كوردستانێ هاتیە و گۆت ژی: جەنابێ سەرۆک بارزانی ئەم راسپاردینە گرنگیێ ب شیانێن گەنجان بدەین و ل دویڤ پلانەكا دارێشتی مە بەرنامە هەیە خزمەتا گەنجێن سنۆرێ ئیدارا سەربەخۆیا زاخۆ ژی بکەین.
