‎ئەرمەنێن زاخۆ رێز و سوپاسی پێشکێشی بەرێز عومەر ئۆرەیی بەرپرسێ لقێ ۸ێ پارتی کرن

ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ پێشوازی ل شاندەکێ ئەرمەنێن ئیدارا سەربەخۆ یا زاخۆ کر کو پێکهاتبوون ژ قەشه هاكوبوس ئیسهاکيان قەشەیێ کەنیسەیێن ئەرمەنا ل زاخۆ و گۆندێن ئاڤزریک و هاوریسک؛ و داود هوهان مارديروسيان سەرۆکێ ليژنا کارگێریا جڤاتا ئەمەنان ل زاخۆ و چەند کەسایەتیێن دیارێن ئەرمەنان کر و شاندێ ئەرمەنێن زاخۆ رێز و سوپاسیێن خوە پێشکێشی بەرپرسێ لقێ ۸ێ پارتی کرن ژبۆ پشتەڤانییا بەرێزی یا بەردەوام ژبۆ ئەرمەنێن زاخۆ.

‎بەرپرسێ لقێ ٨ێ پارتی دیموکراتی کوردستان ل زاخۆ دگەل شاندێ ناڤهاتی باس ل دەولەمەندییا باژێرێ زاخۆ کر کو پشتی کۆمکۆژیا ئەرمەنان ل سالا ۱۹۱٥ێ، سەرکردەیێن شورەشێن کوردی و خەلکێ کوردستانێ و ب تایبەت یێن باژێرێ زاخۆ؛ پێشوازییەکا مرۆڤدوستی ل ئەرمەنان کرن و ل سالا ۱۹۲۳ێ موسلمانێن زاخۆ ئەرد بۆ دێرا ئەرمەنان دابین کر و ئاڤاکرن ب ڤێ چەندێ بەرەڤانی ژ ئەرمەنان هاتە کرن هەتاکو بشێن ب زمان و ئایین و کەلتۆرێ خوە ب ئازادانە بژین و بەرێز عومەر ئۆرەیی گۆت ژی؛ پارتی دیموکراتی کوردستان دێ هەردەم بەرەڤانیێ ل مافێ ئەرمەنان و هەمی پێکهاتەیان کەت و زاخۆ ژی ب ڤێ پێکڤە ژیانێ یا ناسیارە و ئەڤ چەندە ژی بۆ مە شانازی و سەربلندیەکا مەزنە