نێچیرڤان بارزانی: بناغەیێ دیمۆکراسیەتا هەلبژارتنان ل کوردستان و عێراقێ ل سەر دەستێ جەنابێ سەرۆک بارزانی بوویە

ئەڤرۆ، بەرێز نێچیرڤان بارزانی جێگرێ سەرۆکێ پارتی دیموکراتی کوردستان، ب ئامادەبوونا بەڕێزان فازل میرانی بەرپرسێ دەستەیا کارگێڕی یا مەکتەبا سیاسی و بەشەک ژ ئەندامێن مەکتەبا سیاسی و کۆمیتەیا ناڤەندی یا پارتى و بەرێز سەربەست لەزگین بەرپرسێ مەکتەبا رێکخستنا پارتی ل پارێزگەها دهۆکێ و بەرێز عومەر ئۆرەیی بەرپرسێ لقێ ٨ێ پارتی ل زاخۆ و بەرێز گۆهدار شێخۆ سەرپەرشتێ ئیدارا سەربەخۆ یا زاخۆ دگەل بەرپرسێن لیژنەیێن ناوچەیان و کادرێن سنۆرێ لقێ ٨ێ پارتی ل زاخۆ کۆمبوو.

بەرێز عومەر ئۆرەیی ب ناڤێ جەماوەرێ پارتی و خەلکێ دەڤەرێ خێرهاتنەکا گەرم ل بەڕێز نێچیرڤان بارزانى کر و پاشان بەرێز بارزانی د کۆمبینا خوە دا باس ل رەوشا هەرێما کوردستانێ و گرنگییا ئەنجامدانا هەلبژارتنێن پەرلەمانێ کوردستانێ کر و خۆیاکر کو بناغەیێ دیمۆکراسیەتا هەلبژارتنان ل کوردستان و عێراقێ ل سەر دەستێ جەنابێ سەرۆک بارزانی بوویە و زێدەباری کو کێماسی یێن هەین، لێ ئەزموونا کوردستانێ ل سەر رێکا ڕاست یا دیموکراسیەتێ یە و ژبەر ڤێ چەندێ ژی دڤێت بانگه‌شه‌ىا هه‌ڵبژارتنان ب شێوەیەکێ شارستانی ب رێڤە بچیت چونکی هەلبژارتن شەرعیەتا سازیێن فەرمی و دەستەلاتێ ل هەرێما کوردستانێ نوی دکەتەڤە.

بەڕێز نێچیرڤان بارزانى خۆیاکر ژی کو زاخۆ پێشکەفتنەکا جوان ب خۆڤە دیتییە ژبەرکو زاخۆ و پارتی دوو تشتن لێک ناهێنە جوداکرن و ئەم وەکو پارتی شانازیێ ب قوربانیدانا خوینا شەهیدێن باژێرێ زاخۆ دبین و د هەمی کاودانێن نەخۆش دا هەر خەلکێ زاخۆ پێشەنگ بووینە و مە هەردەم مێرخاسی و وەفاداری ژ خەلکێ خوە یێ زاخۆ دیتییە.