نووچه
بەرێز عومەر ئۆرەیی سوپاسیا خەلکێ ئیدارا سەربەخۆیا زاخۆ دکت
خەلکێ شەرەفمەندێ ئیدارا سەربەخۆ یا زاخۆ
سوپاسییەکا بێ سنۆر ل هەوەیێن خۆشتڤی دکەین بۆ پشتەڤانیا هەوە یا تژی وەفاداری و نیشتمانپەروەری کو هەوە باوەری دایە مە و هەوە دەنگێ خوە دایی لیستا ۱۹٠ یا پارتی دیموکراتی کوردستان.
ل زاخۆ، بانگەشەیا هەلبژارتنان و پرۆسێسا دەنگدانێ گەلەک ب دیموکراسیانە رێڤەچوو، ب خۆشحالیڤە ئەڤرۆ کۆمسیونا بلندا سەربەخۆیا هەلبژارتنان یا عێراقێ ئەنجامێن دەستپێکی راگەهاندن و پارتی ل کوردستانێ ئێکەم دەرچوو بێ هەڤڕک و ل سەر ئاستێ بازنێ دهۆک ژی هەمان بێ هەڤڕک پارتی شیا ٤٠٠،٦٠۳ دەنگان دەستڤە بهینیت، و ل ئیدارا سەربەخۆیا زاخۆ ل سنۆرێ لقێ ۸ێ پارتی دیموکراتی کوردستان مە شیا ۸۸۹٦۱ دەنگێن تایبەت و گشتی دەستڤەبهینن کو جوداهی دگەل هەلبژارتنێن ۲٠۲۱ێ مە شیایە ٤۱٦۳۳ دەنگان زێدە بکەین و ئەڤە ژی ڤەدگەریت بۆ ئێک تیمیا هەڤال و کادر و ئەندامێن پارتی ل ڤێ دەڤەرێ و هەردیسان ڤەدگەریت بۆ دلسۆزی و وەفاداریا خەلکێ مە و ئەم ب بڕیارا خەلکێ خوە سەربلندین.
ب ناڤێ لقێ ۸ێ پارتی دیموکراتی کوردستان ل ئیدارا سەربەخۆ یا زاخۆ، پڕ ژ دل سوپاسییا ئێک ب ئێک خەلکێ زاخۆیا شەهیدان، باتیفایا خۆڕاگر، دەرکار و بێگۆڤا و رزگاری و باتێلا مەردەمێران دکەین، لاوێن خوین گەرمێن وەلاتپارێز، قوتابیێن سەرەرم، ئافرەتێن خەباتکەر و تەڤایا کادرو ئەندام و جەماوەرێ پارتی ل سنۆرێ لقێ هەشت سەلماند کو زاخۆ دێ هەر ئێکەم بیت و دێ هەر قەلایا پارتی مینیت.
بژی کورد بژی کوردستان
نەمری بۆ شەهیدان
عومەر ئۆرەیی
بەرپرسێ لقێ ۸ێ پارتی دیموکراتی کوردستان ل زاخۆ
۲٠۲٤/۱٠/۲۲
