نووچه
شاندەکێ پارتی مالباتێن چەندین شەهید وپێشمەرگەیان بسەرکرن
شاندەکێ مەکتەبا رێکخستنا پارتی دیموکراتی کوردستان ل پارێزگەها دهۆکێ ب سەرپەرشتیا بەرێز سەربەست لەزگین، بەرپرسێ مەکتەبێ سەرەدانا مالێن هەژمارەکا شەهید وپێشمەرگەیان ل سنوورێ لقێ٨ – زاخۆ کرن.
د ناڤ ڤی شاندی دا بەرێزان عومەر ئۆرەیی، بەرپرسێ لقێ٨ و، جێگرا مەکتەبا رێکخستنا پارتی ل دهۆك و ژمارەکا کارگێرێن لقێ٨ و بەرپرسێ ناوچا خابوور ئامادەبوون.
د سەرەدانا خۆ دا مالێن هەر ئێك ژ مالباتا پێشمەرگێ دێرین مەلا ئەحمەد حەیدەر بابێ سێ شەهیدان، مالباتا شەهید نەعمان عەبدولرەحیم و خەلات نەعمان عەبدولرەحیم، مەسعود میرزا فەتاح بریندارێ شەرێ داعش و، خودێ ژێرازی فەرماندە محەمەد میرزا میرزا بسەر کرن.
د روینشتن وهەڤدیتنێن خۆ دا شاندێ پارتی ژ نێزیك ڤە هایداری رەوشا ژین و ژیار و ساخلەمیا وان بوون و هەر دیسان پەسنا خەبات و نشتیمانپەروەریا مالباتێن وان کرن د رۆژێن سەخت و دژوار دا.
سەرەرای هندێ پشتەڤانیا خۆ ژی دانە دیارکرن بۆ هەر کارەکێ خزمەتا مالباتێن شەهید وپێشمەرگەیێن قەهرەمان بکەت.
