نووچه
بەرێز عومه‌ر ئۆره‌یی به‌رپرسێ لقێ هه‌شت یێ پارتی سه‌ره‌دانا ناڤه‌ندا زاخۆ یا ره‌وشه‌نبیری و راگه‌هاندنێ كر
بەرێز عومه‌ر ئۆره‌یی به‌رپرسێ لقێ هه‌شت یێ پارتی دیموكراتی كوردستان دگه‌ل شانده‌كێ لقێ هه‌شت بهه‌لكه‌فتا (٣١)ـه‌مین سالیادا دامه‌زراندنا ڕادیویا زاخۆ، سه‌ره‌دانا ناڤه‌ندا زاخۆ یا ره‌وشه‌نبیری و راگه‌هاندنێ كرن و ژلایێ د. عادل خێركی بەرپرسێ ناڤەندا زاخۆ یا رەوشەنبیری و راگەهاندنێ و ستافێ كارگێری و كادر و كارمه‌ندێن ناڤه‌ندێ ڤە پێشوازی لێ هاته‌كرن.
به‌رپرسێ لقێ هه‌شت د په‌یڤه‌كێ دا پیرۆزباهیا سالیادا دامه‌زراندنا رادیۆیا زاخۆ ل كادر و كارمه‌ندێن رادیۆیێ كر, و ئاماژه ب ئه‌وێ چه‌ندێ كر رادیۆیا زاخۆ خزمه‌ته‌كا ئێكجار مه‌زن پێشكێشکریە د (٣١)سالێن دەربازبوویی دا.
بەرپرسێ لقێ هەشت گوت، ئەم دخوازین گرنگی ب رادیۆیا زاخۆ بهێتە دان ژبەرکو ل سەردەستێ جەنابێ سەرۆک بارزانی هاتیە ڤەکرن، به‌رێز عومه‌ر ئۆرەیی پشته‌ڤانیا لقێ هه‌شت بۆ هه‌ر كارو خزمه‌ته‌كا پێدڤی ژبۆ رادیۆیا زاخۆ و گوهدارێن وێ دیاركر.
