نووچه
به‌رێز عومه‌ر ئوره‌یى داخواز ژ په‌رله‌مانتارێن زاخۆ كر د په‌رله‌مانێ كوردستانێ دا ببنه ده‌نگ و ره‌نگێ خه‌لكێ زاخۆ
به‌رێز عومه‌ر ئوره‌یى به‌رپرسێ لقێ هه‌شت یێ پارتى ل زاخۆ دگه‌ل شانده‌كێ ژ كارگێرێن لقێ هه‌شت سه‌ره‌دانا نڤیسینگه‌ها زاخۆ یا په‌رله‌مانێ كوردستانێ كر، د دیداره‌كێ دا به‌رپرسێ لقێ پیروزباهیێن خوه پێشكێشى وان كر ب هه‌لكه‌فتا سه‌ركه‌فتنا وان د هه‌لبژراتنێن په‌رله‌مانێ كوردستانێ دا، و داخواز ژ په‌رله‌مانتارێن زاخۆ كر د په‌رله‌مانێ كوردستانێ دا ببنه ده‌نگ و ره‌نگێ خه‌لكێ زاخۆ و خزمه‌تا وه‌لاتیێن خوه بكه‌ن ل كوردستانێ ب گشتى و زاخۆ ب تایبه‌تى لدییڤ یاسایێن په‌رله‌مانێ كوردستانێ بۆ خزمه‌تكرنا دوزا گه‌لێ مه.
ژلایێ خوه‌ڤه ئه‌ندام په‌رله‌مانێن كوردستانێ سوپاسیا به‌رپرسێ لقێ كرن بۆ ئه‌ڤێ سه‌ره‌دانێ و دانه دیاركرن كو به‌رژه‌وه‌ندیێن گه‌لێ كوردستانێ یێن بلند ل پێشيا هه‌ر كاره‌كێ نه و ده‌رگه‌هێ نڤیسینگه‌هێ بۆ هه‌ر كاره‌كێ پێدڤیى ل هه‌مبه‌ر وه‌لاتیان ڤه‌كریه.
