نووچه
ھەرێم.. تێچوویێ حەجا هه‌ر که‌سه‌کی دێ 4100 دۆلار بن
رێڤەبەرییا گشتی یا حەج و عومرێ ل ھەرێما کوردستانێ تێچوویێ حەجا ئەڤ سالە بۆ راگەھاند و دیارکر: بۆ ھەر کەسەکی 4100 دۆلارێن ئەمریکی نە.
رێڤەبەرییا گشتی یا حەج و عومرێ ل ھەرێما کوردستانێ د راگەھاندنەکێ دا داخواز ژ وان کەسان کر، یێن ناڤێن وان د ئەڤ سالەدا بۆ فەریزەیا حەجێ دەرکەفتین، ھەروەسا یێن سالا بۆری بۆ ئەڤ سالە ھاتینە پاشخستن کر، ژ رێککەفتی 27 ئادارێ تا دویی مەھا نیسانێ بۆ دروستکرنا مامەلەیێن خوە سەرەدانا رێڤەبەریێن وان بکەن و گۆت: تێچوویێ حەجا ئەڤ سالە 4100 دۆلارێن ئەمریکی نە.
رێڤەبەرییا گشتی یا حەج و عومرێ گۆت: گەر د دەما دیارکری دا ئەو کەسێن ناڤێن وان دەرکەفتین سەرەدانا رێڤەبەریێن وان نەکەن، دێ کەسەکێ دی ل شوونا وی ھێت دانان.
