نووچه
بەرێز عومەر ئۆرەیی پێشوازی ل رێزدار سەربەست لەزگین بەرپرسێ مەكتەبا رێكخستنا پارتی ل پارێزگەها دهۆكێ کر
ئەڤرۆ، بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ دگەل دا ستافێ کارگێریێ لقێ هەشت پێشوازی ل رێزدار سەربەست لەزگین ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ کر و د روینشتنەکی دا باس ل رەوشا ڤێ دوماهیێ یا زەرەر و زیانێن ژ لەهیێن خابیرێ زاخۆ گەهشتینە خەلکێ زاخۆ هاتەکرن و خۆیاکرن کو هاولاتیێن زەرەرمەند ل زاخۆ هەر د ماوەیێ ٤۸ دەمژمێران دا هاتنە قەرەبووکرن و پاش کۆمبینێ، بەرێزان بەرپرسێ لقێ ٨ێ پارتی دیموکراتی کوردستان ل زاخۆ و بەرپرسێ مەكتەبا رێكخستنا پارتی ل پارێزگەها دهۆكێ ژ لایێ بەرێز گۆهدار شێخۆ سەرپەرشتێ ئیدارا سەربەخۆ یا زاخۆڤە هاتنە پێشوازیکرن.
بەرپرسێ لقێ ٨ێ پارتی دیموکراتی کوردستان ل زاخۆ ژبۆ بەرپرسێ مەكتەبا رێكخستنا پارتی ل پارێزگەها دهۆكێ خۆیاکر کو هەر ل دەمێ پەیدابوونا لەهییان ئێکسەر کادرێن مە یێن ئیداری یێن گرێدایی ئیدارا سەربەخۆ یا زاخۆ و رێکخراوێن جەماوەری یێن قوتابی و لاو و ئافرەتان و رێکخراوەیێن پیشەیی یێن لقێ هەشت د هەوارا خەلکێ مە چوون و هاریکاریێن دەستپێکی گەهاندنە خەلکی و بەرێز عومەر ئۆرەیی سوپاسیا وان هەمی کادر و رێڤەبەر و فەرمانبەر و هاولاتیێن خۆبەخشێن ز کر کو بێ گیرۆ بوون خزمەتا خەلکێ کرین.
بەرێز عومەر ئۆرەیی د کۆمبوونێ دا باس ل پرۆگرامێ لقێ هەشت کر کو وان ئامادەکاریێن گەلەک باش کرینە ژبۆ پێشکێشکرنا هاریکاریێ د نزیکترین دەم دا ل سەر بنەمالێن سەربلندێن شەهیدێن کوردستانێ و هەردیسان پێشکێشكرنا هاریکاریێن ئازوقەی ل سەر نزیک ٥٠٠٠ خێزانان ل سنۆرێ ئیدارا سەربەخۆ یا زاخۆ.
