نووچه
بەرێز عومەر ئۆرەیی: پیرۆزباهیێ ل هەر ۲٠٠ کادرێن دەرچوویی یێن خۆلا رەوشەنبیرییا لقێ هەشت دکم
ئەڤرۆ، بەرێز عومەر ئۆرەیی بەرپرسێ لقێ ۸ێ پارتی دیموکراتی کوردستان ل زاخۆ، خۆلا رەوشەنبیرییا لقێ هەشت بۆ ۲٠٠ کادرێن هەر ۱۲ لیژنەیێن پارتی ل سنۆرێ ئیدارا سەربەخۆ یا زاخۆ ب دوماهی ئینا و ۱٠ سەرکەفتیێن ئێکێ ژی خەلاتکرن و باوەرنامە ب هەمی کادرێن سەرکەفتی هاتە دان.
بەرپرسێ لقێ ۸ێ پارتی دیموکراتی کوردستان ل زاخۆ د پەیڤەکێدا پیرۆزباهیا وان هەمی کادران کر کو بەشداری خۆلا رەوشەنبیری بووین و د تاقیکرنا پەیرەو و پرۆگرامێ پارتی دا شیاین سەرکەڤن و نمرەیێن باش دەستڤە بهینن و گۆت ژی؛ ئەم وەکو پارتی دێ بەردەوام بین ل پشتەڤانیکرنا کادرێن خوە یێن خۆدان شیان و دەستخۆشیێ ل خانم نازدار عارف بەرپرسا بەشێ پێگەهاندن و رەوشەنبیری و راگەهاندنێ دکەین کو ب هەڤکاری دگەل بەرێز جەبار حەجی بەرپرسێ بەشێ رێکخستنێ ب سەرکەفتییانە ئەڤ ئەرک و کارە ئەنجامداین و ب ئانەهییا خۆدێ دێ بەردەوام بین ل سەر بەرنامەیێ پێگەهاندنا کادر و ئەندامێن پارتی د وارێن هزرا نەتەوەیی و رۆشنبیری دا ل سنۆرێ ئیدارا سەربەخۆ یا زاخۆ.
