نووچه
بەرێز عومەر ئۆرەیی رێز ل خانمێن رۆژنامەڤانێن پارتی ل سنۆرێ ئیدارا سەربەخۆ یا زاخۆ گرت
بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ، دگەلدا بەرێزان نازدار عارف بەرپرسا بەشێ رەوشەنبیری و پێگەهاندن و راگەهاندنێ و حەکیم عەبدوللا بەرپرسێ بەشێ جەماوەری و پیشەیی و ب بەرهەڤبوونا نڤێسینگەها زاخۆ یا سەندیکا رۆژنامەڤانێن کوردستانێ، رێز ل هژمارەکا خانمێن رۆژنامەڤان د ئۆرگانێن راگەهاندنا پارتی دیموکراتی کوردستان دا ل سنۆرێ ئیدارا سەربەخۆ یا زاخۆ گرت.
بەرپرسێ لقێ ٨ێ پارتی دیموکراتی کوردستان د روینشتنەکیدا رۆژا جیهانییا ئافرەتان ل خانمێن رۆژنامەڤانێن سازیێن راگەهاندنا پارتی پیرۆزکر و باس ل رۆل و خزمەت و ماندیببوونا وان کر د بزاڤا راگەهاندنێ دا ل ئیدارا سەربەخۆیا زاخۆ و خۆیاکر کو لقێ ۸ێ پارتی هەردەم پشتەڤانێ سەرەکیێ خانمێن رۆژنامەڤان بوویە ل دەڤەرێ و پشتەڤانیا پارتی بۆ کادرێن وێ یێن رۆژنامەڤان دێ یا بەردەوام بیت.
