نووچه
بەرێز عومەر ئۆرەیی لدۆر رۆژا سەرهلدانا باژێرێ زاخۆ پەیامەکی بەلاڤ دکەت
دەربازبوونا (۳۳) ساڵان ل سەر سەرهدانا باژێرێ زاخۆیا لاندکا قارەمانان، گەرمترین پیرۆزباهییان خۆ ئاراستەی تەڤایا هاولاتیێن کوردستانێ ب گشتی و خەلکێ دلسۆز و قارەمانێن ئیدارا سەربەخۆ یا زاخۆ ب تایبەت دکەین.
سەرهلدان بەرهەمێ خەباتەکا دیر و درێژا گەلێ کورد و قوربانیدان و کاریگەرێین هەردوو شورەشێن ئیلۆنا مەزن و گۆلانا پێشکەفتنخوازە کو مللەتێ کورد ب درێژاهییا دیرۆکێ ژ ئەگەرێ زۆلم و ستەما رژێمێن ئێک ل دویڤ ئێک یێن عێراقێ هەردەم تێھنیێ فڕەكا ئازادیێ بوویە، لەوا ل بوھارا سالا (۱۹۹۱)ێ گەلێ کورد باژێر باژێر دەست ب سەرھلدانێ کرن ب دژی ڕژێما بەعسا فاشیست و خوین مێژ، و ژ باژێرێ ڕانیە دەستپێکر و ل رۆژا (٣/١٣) کاروانێ سەرهلدانێ گەهشتە ئیدارا سەربەخۆ یا زاخۆ، و ب هەڤکارییا پێشمەرگەیێن قارەمان و خەلکێ شەرەفمەند ب هەمی تەخ و چینێن خۆڤە دەست ب ڕامالینا دۆژمنی کرن ل زاخۆ.
ڤێ یادێ ب شانازییەکا مەزنڤە ل بیر دهینین و سەرێ خۆ بۆ هەر کوردەکێ دلسوز و تەڤایا پێشمەرگەیێن قارەمان و مالباتێن سەربلندێن شەهیدان د چەمینین.
عومەر ئۆرەیی
بەرپرسێ لقێ ۸ێ پارتی کوردستان ل زاخۆ
۲٠۲٤/۳/۱۲
