ئیران….خەلەت بوو؟!

كوڤان حسێن

هشیار زێبارى ژ بەرى سەفەرا سەروكێ هەرێمى بۆ ئیرانێ ژبۆ میدیابا نێزیك پارتى دیار كر، كو شاندەكێ بلندێ خودان دەستەلاتێ پارتى بۆ ماوێ چەند رۆژا سەرەدانا ئیرانێ كربوو و زێبارى ئامادەنەبوو هیج پێزانینەكێ یان رونكرنەكێ لسەر سەردانا خوە بۆ ئیرانێ بدەت.كى ئاگەدارى رەوشا سیاسییا ئیرانێ بیت، دێ بۆ دیار بیت پەیوەندیێن دەرڤە ل ئیرانێ راستەوخو گرێداى دەزگایێ(رهبەرى)یە، ئانكو نە دبن دەستەلاتا حكومى دایە و راستەو خو (ئیتیلاعات) سەرپەرشتیا وێ دكەتن و قەد یا بەر عاقل نینە، ئەڤ رەنگە دەزگەهە راستى خەلەتیەك هوسا ببن، وەك دانا سمبولێن نەتەوەى بۆ پێشوازیا مێهڤانا.خەلەتى ئەوە تو تشتەكێ بدانى جهەكێ خەلەت، نەكو تشتەكێ درست دانى جهێ درست! ئیرانێ هیج خەلەتى نە كریە ل دانانا ئالایێ كوردستانێ، پەیامەكا فرە رەهندە بۆ عێراقێ و بۆ و هەرێمى و بۆ ئەمریكا و بۆ كوردا و هەر چوار پارچا هنارت و هەر ناڤ و نیشانەكێ ئیرانێ مەرەم ژێ پێ هەى كو بگەهیتێ وەك وێ ڤییای ب رامانەكا تایبەت رەوانەكر.ئیران 4000 سالە دەولەت، دێ ل پروتوكولەكێ هندە نازك دا خەلەت بیت! بتنێ دبیت سادە و ساكار ڤێ كومیدیێ باوەربكەن. ئیرانێ دەرفەت دا بارزانى، نوینەرێن كوردێن ئیرانێ ژى ل پەرلەمانێ ئیرانێ بینت و دگەل دا كوم بیت. ئەڤە ژى ئاماژەكا دى بۆ ژبو گرانیا مهڤانێ ئیرانێ ژێ مەرەم. ژ هینگێ وەرە ب سەدان رەنگا شلوڤەیا دانا ئالایێ كوردستانێ دهێت كرن و دبیت هەمى راست بێژن و یا ژ هەمیا بەرعاقلتر, بۆ خزمەتا هەرێما ل سەر و بەندێ خو ڤەكێشانا ئەمریكا ژ عێراقێ وەك روكەش.پارتى كو حكمرانیا كوردستانێ یە، باشترین پەیوەندیان دگەل هێزا دیفاكتوویا رۆژهەلاتا ناڤین كو ئیرانە خوش بكەتن. راستى د سیاسەتێ دا دوست و دژمنێن بەردەوام نینن، هەر ئالیەك بەرژەوەندا ستراتیژیا خوە خو لبەر چاڤ دگریت, كورد ژى ل ڤێ هەرێمى ژ وێ قوناغێ دەرباز بوینە، كەس سەنگێ نەدەتێ لێ هەمى ئەو خاندنێن بۆ ڤێ سەرەدانێ و دانانا ئالایێ كوردستانێ هاتین كرن، هەمیا هندەكا پێشچاڤا راستیێ دگەل دایە.لێ قەد ئیران خەلەتیەكا هوسا ناكەت، نە ل نوكە و نە ل ئایندەى ئیرانێ بزانین و مەرەم ل جهو دەمەك هەستیار دا بارزانى وەك سەروكەك پێشوازى كر, ئیرانێ یان هەر وەلاتەك دى ڤێ كریارێ بكەن رەنگە چو ژ رەوشا مە نەگوهورن، لێ بو ئیرانێ تایبەتمەندى و رامانەكا جێواز هەیە.ئەڤە ئاشكرا و لبن پەردێ و دیالوكا شاندێ پارتى ژى بتنێ خودێ زانیت چ هاتیە گوتن، لێ مسوگەر ئاماژە مژدە بەخشن بۆ قوناغەكا ئارامیێ لڤى دەڤەرێ، كو ئیران مە بڤێت و نەڤێت سەر كێشیا وێ دكەتن….