ره‌سه‌نایه‌تی و ده‌وردان و به‌رده‌وامی
فازڵ میرانی*
به‌رده‌وام دنڤیسم و كاردكه‌م و بیر ل سێگۆشه‌یا پێكڤه گرێدان نه‌ك جوداكرن یان لاواز دكه‌م دناڤا ئه‌و ره‌سه‌نایه‌تییا شۆڕەشگێڕییا كو ئەم نه‌ڤیێن وێ نە و، هه‌ڤالێن مە كو لسه‌ر رێبازا مسته‌فا بارزانینە و دناڤبەرا به‌رده‌وامبوونا دگه‌ڵ پێدڤیێن مە كو مادده‌یێ مەیە جه‌ماوه‌رێ مە كو نوێنه‌رایه‌تیا وان دكه‌ین و دناڤبەرا بهێزكرنا هه‌موو شیانێن مە بۆ دابینكرنا پێدڤییان لدویڤ شیانان و، هەڤته‌ریب بوونا دگه‌ڵ رەۆشەنبیریا نفشێ گه‌شه‌كری و چاندنا تۆڤێ چه‌مكان تێدانە و، ئه‌گه‌ر نە گەف دێ وان دورپێچ کەن و دێ بنه مه‌ترسی ل سەر وان، چونكی نه‌ته‌وه‌یا مە و هێزا وێ چو جارەكێ ئارامی و ئاسووده‌یی به‌خۆڤه نه‌دیتیە به‌رامبه‌ر هەڤنیشتیمانبوونا هەڤچه‌رخ. ئه‌م ب درێژاهیا خه‌باتا مە شاره‌زاییەكا باش وه‌رگرتیە و دڤی باریدا مە شیایە جوداهیا دناڤبەرا گوتن و كریاران ببینین و هه‌ڵسەنگینین و ئەم نە ئه‌و كه‌سەین گوتنێن بێ رامان و بێ كریار مە راوەستینن.
ئەم كو ئەز ژی ئێک بوومه ژئەوان لسەر رێبازا بارزانی فێربووینە بتنێ په‌نایێ نه‌به‌ین بۆ ره‌سه‌نایه‌تیا شؤڕشگێڕی كو مە ژیێ خۆ پێبه‌خشیە ئه‌گەر نا دابینه قۆناغەك ژ مێژوودا خوێنه‌ر بخوینیت و بمە سه‌رسام ب بن و ره‌خنه‌یان لێ بگرین ژبەر كه‌مته‌رخه‌می و لاوازیێ، ژبه‌ر کو نه‌بووینه درێژه‌پێده‌ر یان رێکخۆشكه‌ر بۆ ئه‌وێن دیتر داکو رێكێ تەمام بكه‌ن.
ژبارزانی و رێبازا وی فێربووینە كو گه‌هشتنا خه‌ڵكی و لێ نزیكبوونا وان و راستگۆییا دگه‌ڵوان و لبەرچاڤوەرگرتنا هه‌ست و نه‌ستێن وان و كاركرن بۆ جێبه‌جێكرنا داخوازی و هه‌وڵدان بۆ دویرخستنا زوڵم و سته‌مێ ژوان یان دووباره‌نه‌بوون و كاركرن بۆ دامه‌زراندنا سیستمەكێ رێك و پێك، ئامانجه.
نفش دئێتە گوهورین و ته‌حه‌ددیاتێن ژیانێ گۆرانكاری ب سه‌ردا دئێن و ژ نەخوەشیان دچن و كۆسپ و کێشەیێن دیتر سه‌رهڵدده‌ن، دەڤەرا مە جهێ مڵمڵانێیه و هه‌ر وەسا دێ مینیت ژی، چونكی بۆیه بازاڕێ مڵمڵانێیا هێزان و ئه‌وا بەلاڤە دڤان بازاڕاندا سه‌ركه‌فتییە و بنكه‌فتییه، ئه‌و نه‌هامه‌تییه‌ی بسه‌ر مە و نفشێن دیتردا داهاتیه پتر تێرا وێ چەندێ كر كو كاریگه‌ری لسه‌ر زۆرگه‌شه‌یا هزرا تاك و كۆیا وەڵاتیان بكەت و ببیته رێگر د په‌ره‌سه‌ندن و گه‌شه‌كرنا كۆمه‌ڵگەهی و وەڵاتیان بۆ هه‌ڵبژاردنەكا سیاسی ساخلەم و كۆمه‌ڵایه‌تیەکا ئارام لشوینا په‌رته‌وازه‌یی و هه‌ڵدێر به‌ره‌ف نه‌فامی و جه‌هاله‌تا نوی و بێباكیێ.
ئەز و هندەکێن دیتر ژی ب ڤی ئاراسته‌یی دنڤیسین، چەند کەسەک و ئەز ژی د ناڤوان دا كاردكه‌ین داکو نفشێ داهاتی رێڕه‌وا لڤینێن وان لێ بەرزە نه‌بیت و سەرجەمێ وێ خه‌بات و تێكۆشانا ره‌سه‌ن یا پێشیێن وان بۆ وان بجه هێلایە پشتگوهڤە نهێلن و مێژوویا خۆە بخوینن و ب بیر و هزرێن نه‌یار و حوكمێ ئه‌ڤڕۆ دادگەه نه‌كه‌ن یان حوكمی لسه‌ر نه‌ده‌ن و تێبگه‌هن كو ئه‌گه‌ر پێشیێن هەوە ل هاوارا وەڵاتیان نه‌هاتبان، ل وی دەمی وەڵاتیان ژی متمانه پێنه‌ددان و باوەریا وان پێ نەدهات و نه‌دگه‌هشتینه ڤێ رۆژێ كو ته‌م و مژا ره‌گه‌زپه‌رستی و ده‌مارگیری و نه‌هامه‌تیێ ژسه‌ر هاتیە لادان كو هه‌مان ئه‌و ژینگه‌هه‌یه کو دەستپێکا وێ به‌رده‌وامیێ به‌رهه‌مئینایە.
* به‌رپرسێ ده‌سته‌یا كارگێریا مه‌كته‌با سیاسیا پارتی دیموكراتی كوردستان
