بەرپرسێ لقێ ٨ێ پارتی د رێورەسمەکیدا ٥ خۆلێن پێگەهاندنێ ل باتیفا ب دوماهی ئینان

بەرێز عومەر ئۆرەیی بەرپرسێ لقێ ٨ێ پارتی دیموکراتی کوردستان ل زاخۆ، ب هەڤالینیا بەرێز حەکیم پیرۆ بەرپرسێ بەشێ جەماوەری و پیشەییێ لقێ هەشت، د سەرەدانەکی دا بۆ قەزا باتیفا، ٥ خۆلێن پێگەهاندنێ بۆ ١٢٠ هەڤالێن پارتی یێن سنۆرێ لیژنا ناوچا باتیفا ب دوماهی ئینان و بەرپرسێ لقێ هەشت سمینارەکا پارتایەتی ب هەڤالینیا بەرێز محسن شەفیق بەرپرسێ لیژنا ناوچا باتیفا پێشکێشی هەڤالێن خۆلێن پێگەهاندنێ و کادرێن پارتی یێن دەڤەرێ کر.

‎بەرپرسێ لقێ ٨ێ پارتی دیموکراتی کوردستان ل زاخۆ د سمینارەکی دا دەستخۆشی ل ستافێ رێڤەبرنا خۆلێن پێگەهاندنێ و لیژنا باتیفا کر و خۆیاکر کو ئێک ژ خالێن هەری گرنگ یێن پرۆگرامێ مە یێ پارتی دیموکراتی کوردستان ئەوە ب بەردەوامی ئەم ئەندام و هەڤال و کادرێن خوە پێبگەهینن بۆ هندێ خزمەتا خەلکێ خوە بکن ل گۆرەی شیانێن ل سەر دهێنە پەروەردەکرن و بۆ مە سەربلندییە کو ئەم خۆدانێن رێبازەکێینە کو هەردەم خوە پێدگەهینین بۆ خزمەتکرنا خەلکێ و مە پارتی گەلەک قوربانی دایە هەتاکو مە شیایی ئازادیێ و دیموکراسیەتێ بۆ خەلکێ خوە فەراهەم بکەین، باتیفا ژی وەکو قەزایەکا نوی دێ سەرەدەرییەکا جودا دگەلدا هێتە کرن و گرنگە ئەم هەمی خوە ب خۆدان و خەلکێ رەسەنێ باتیفا بزانین بۆ هندێ خزمەتێة ژ هەژی پێشکێش خەلکێ خوە یێ خۆشتڤیێ باتیفا بکەین.