نووچه
نێچیرڤان بارزانی: نابیت چ زالگه‌هێن نه‌قانوونی بمینن
نێچیرڤان بارزانی سه‌رۆكوه‌زیرێ هه‌رێما كوردستانێ، بریاره‌ك ل دۆر زالگه‌هێن نه‌قانوونی ل ناڤا هه‌رێمێ ده‌رێخست و تێدا راگه‌هاند؛ نابیت چ زالگه‌هێن نه‌قانوونی بمینن.
ب مه‌ره‌ما رێگرتنێ ژ وه‌رگرتنا هه‌ر كوژمه‌كێ پاره‌یی یێ نه‌قانوونی، سه‌رۆكوه‌زیر نێچیرڤان بارزانی بریاره‌كا چوار خالی ده‌رخست و تێدا هاتییه، نابیت چ كه‌س و ئالی لبن هه‌ر ناڤ و به‌هانه‌یه‌كێ زالگه‌هه‌كا نه‌قانوونی ب دانن و پاره‌یان ژ خه‌لكی وه‌ربگرن، ژبلی وه‌زاره‌ت و فه‌رمانگه‌هێن حكومه‌تێ یێن په‌یوه‌ندیدار كو پسووله‌یا وان بۆ وه‌زاره‌تا دارایی دهێته هنارتن.
سه‌رۆكوه‌زیری داخواز ژ خه‌لكی ژی كرییه، پارا نه‌ده‌نه چ زالگه‌هان و هه‌ر ده‌ما حاله‌ته‌كێ ب وی ره‌نگی هاته دیتن، جهێن په‌یوه‌ندیدار ئاگه‌هدار بكه‌ن داكو رێكارێن قانوونی بهێنه وه‌رگرتن.
