فراکسیۆنا پارتی داخوازا روونشتنەکا بلەز یا پەرلەمانی کر
فراکسیۆنا پارتی ل پەرلەمانێ کوردستانێ داخوازا روونشتنەکا بلەز یا پەرلەمانی کر بۆ وێ یەکێ یاسایا چاکسازییێ د مووچە و خانەنشینان دا بھێت پەسەندکرن.
فراکسیۆنا پارتی یا دیمۆکراتا کوردستانێ د راگەھاندنەکێ دا پشتەڤانییا خوە بۆ پێنگاڤا حکومەتا ھەرێمێ یا حەفتییا بۆری ل سەر مووچەیێ فەرمانبەرێن ھەرێمێ ھاڤێتی دیارکر، ھەروەسا داخواز کر کو پاشکەفتێ مووچەیی ب ئێکجاری نەمینیت و حکومەتا ب زووترین دەم پێنگاڤێن پێدڤیی بۆ خوەشکرنا ژیارا خەلکی بھاڤێژیت.
فراکسیۆنا پارتی د راگەھاندنا خوە دا داخواز ژ سەرۆکاتییا پەرلەمانێ کوردستانێ کر ب زووترین دەم کارێن پێدڤی بۆ کۆمبوونەکا نەئاسایی یا پەرلەمانبکەت، ب زووترین دەم یاسایا چاکسازیێ د مووچەیێن خانەنشینان دا ل ھەرێما کوردستانێ بھێت پەسەند کرن.
ژ ئالیێ خوەڤە بەھزاد زێباری سەرۆکێ فراکسیۆنا یەکگرتوو ل پەرلەمانێ کوردستانێ ب وار راگەھاند؛ دەستەیا سەرۆکاتییا پەڕلەمانی نھا کار ژبۆ روونشتنەکا پەڕلەمانی لدۆر راستڤەکرنا پرۆژەیا چاکسازییێ د مووچەیێ خانەنشینان دا دکەت و دیارکر: کۆمبوون دێ ل رۆژا سێشەمبێ یان چارشەمبێ ھێت کرن.
