نووچه
كازمی بریاره‌ك ل دژی فه‌رمانده‌یه‌كێ سوپایێ ده‌رخست
سه‌رۆك وه‌زیر و فه‌رمانده‌یێ گشتی یێن هیزێن چه‌كدارێن عیراقێ فه‌رمانه‌ك ل دژی فه‌رمانده‌یه‌كێ بلندێ سوپایێ عیراقێ ده‌رخست.
لگۆری میدیایێن عیراقی، مسته‌فا كازمی فه‌رمانده‌یێ گشتی یێ هێزێن چه‌كدارێن عیراقێ بریارا رێگرتن ژ گه‌شتا ده‌رڤه بۆ فه‌ریق روكن جه‌میل شه‌مه‌ری دا كۆ ئێكه ژ فه‌رمانده‌یێن سوپایێ عیراقێ.
فه‌ریق روكن جه‌میل شه‌مه‌ری ژلایێ دادگه‌ها زیقارڤه هاتیه تومه‌تباركرن ب كۆشتنا خونیشانده‌رێن ئه‌وی باژێری ڤه.
مسته‌فا كازمی ب فه‌رمانه‌كێ ژبلی رێگرتنێ ژ گه‌شتكرنا ده‌رڤه ژ ئه‌وی فه‌رمانده‌یی، بریارا وه‌زاره‌تا به‌ره‌ڤانییێ ب موله‌تا 30 رۆژان ب وی فه‌رمانده‌ییی هه‌لوه‌شاندیه، كۆ ب مه‌به‌ستا وه‌رگرتنا چاره‌سه‌ریا نوژداری ل ده‌رڤه‌ی وه‌لاتی وه‌رگرت بوو.
