نووچه
بەرێز عومەر ئۆرەیی د کۆمبوونا برفرەهـ یا کادرێن سنۆرێ لقێ هەشت دا باس ل نویترێن پێشهاتێن سیاسی و ئێمناهی ل هەرێما کوردستانێ کر
ئەڤرۆ بەرێز عومەر ئۆرەیی بەرپرسێ لقێ ٨ێ پارتی دیموکراتی برفرەهـ یا کادرێن سنۆرێ لقێ هەشت دا باس ل نویترێن پێشهاتێن سیاسی و ئێمناهی ل هەرێما کوردستانێ کر و پەیاما جەنابێ سەرۆک بارزانی و مەکتەبا سیاسیا پارتی دیموکراتی کوردستان لدۆر پێشهات و بوویەرێن هێرشکرنا سەر هەولێرێ و شەهیدکرنا هاولاتیێن سڤیل ژ لایێ سۆپایێ پاسدارێن ئیرانێ ڤە بۆ بەرهەڤبوویان هاتە رۆهنکرن.
بەرپرسێ لقێ ٨ێ پارتی دیموکراتی کوردستان ل زاخۆ د کۆمبوونێ دا رۆناهی ئێخستە سەر پەیاما جەنابێ سەرۆک بارزانی کو ئێدی دان ب خۆداگرتنا مە ژی سنۆرێ خوە هەیە و نابیت ئێدی بەرامبەر وێ ستەم و ناهەقیێ بێ دەنگ بین و چ سەربلندی بۆ ئیرانێ د شەهیدکرنا ژن و زارۆک و خەلکێ سڤیل دا نینە و ئەو دشێن مە بکۆژن لێ نەشێن ئیرادەیا مە ژ مە بستینن. و بەرێز عومەر ئۆرەیی خۆیاکر ژی کو پارتی دیموکراتی کوردستان ب رێیا حکۆمەتا هەرێما کوردستانێ بێ دەنگ نامینیت و هەمی رێکارێن یاسایی و دبلۆماسی ل سەر ئاستێ عێراق و نێڤدەولەتی دێ گریتە بەر بۆ راگرتن و دانانا سنۆرەکی بۆ ڤان هێرشێن ئاسمانی ل سەر هەرێمێ.
