ل ژێر چاڤدێریا بەرێز عومەر ئۆرەیی، ۳۷ـەمین سالیادا وەغەرا سەرکردەیێ سیاسیێ کورد کاک ئیدریس بارزانیێ جانەمەرگ ل زاخۆ هاتە ساخکرن

‎ئەڤرۆ بەردەوامیدان ب چالاکیێن پارتایەتی و ل ژێر چاڤدێریا بەرێز عومەر ئۆرەیی بەرپرسێ لقێ ۸ێ پارتی دیموکراتی کوردستان ل زاخۆ، بەشێ پێگەهاندن و رەوشەنبیری و راگەهاندنا لقێ هەشت، ۳۷ـەمین سالیادا وەغەرا سەرکردەیێ سیاسیێ کورد کاک ئیدریس بارزانیێ جانەمەرگ ل زاخۆ ساخکر ب سازدانا سمینارەکی بۆ بەرێز (پ.هـ.د. خلیل مصطفی عثمان) لدۆر (رۆلێ سەرکردە ئیدریس بارزانی د بزاڤا رزگاریخوازا کوردستانێ دا) کو د سمینارێ دا پێشمەرگەیێن دێرین و کەسایەتیێن دەڤەرێ و کادرێن پارتی و هەمی چین و تەخێن جڤاکی بەرهەڤ ببوون.