روژنامەڤان رومالا خوە بکەت یان ژی روحەکێ رزگار بکەت؟

دەربارەی رویدانا ئەڤرو یا سووتنا گەنجەکێ بەرامبەر چاڤکێن کامیرا ومایکێن پەیامنێران، ل سوشیالێ خەلکێ دلگرانیا خوە ژ وێ رویدانێ و بتایبەت هەلویستێ وان روژنامەڤانان دا دیارکرن، بەلێ ل دەستپێکێ و دوماهیێ ژی هەر ئەڤ پرسە دکەڤتە سەر دوو تشتان، سەلامەتیا پیشەیی یا روژنامەڤانی و هەروەسا وژدانا وی.د ڤان سێ خالان دا دێ پوخت وکورت زەلال کەم، ئایا روژنامەڤانی رومالا وێ رویدانێ کربا یان ژی روحا وی گەنجی ژ مەترسیا مرنێ رزگار کربا؟1- حالەتێ ئێکێ، ئەگەر هات و روژنامەڤانی خواست ژیانا کەسەکێ ژ مەترسیێ بپارێزت، ئەرێ ئەو رویدان دێ چەند بتە ئەگەرێ مەترسیێ بو سەر ژیانا وی؟ بەرسڤ، ئەگەر ببتە مەترسی پێدڤییە ل وی دەمی روژنامەڤان بتنێ رومالا خوە بکەت و د بەررا داخوازا هاریکاریێ بکەت.2- حالەتێ دووێ، دڤێت بزانین ئەرێ هندەك کەسێن دیتر ژبلی روژنامەڤانی ل وی جهی هەبوون ژ بو قورتالکرنا گیانێ وی گەنجی ژ سووتنێ؟ ئەگەر کەسەك دی نەبت ژ وی پێڤەتر، پێدڤییە ل وی دەمی روژنامەڤان کارێ خوە بهێلت و ئێکسەر بچت ژیانا وی کەسی ژ مرنێ رزگار بکەت.3- ل حالەتێ سیێ، ئایا ئەو ستافێ روژنامەڤانی ژ کەسەکێ پترە بو هندێ روژنامەڤان بشێت رومالا خوە ژی بکت و ژیانا مروڤەکێ ژی قورتال بکەت؟ ئەگەر دیت ئەو دەم و ستافێ پێدڤی نینە، دڤێت دەستپێخەریێ بکەت و بچت ژیانا وی مروڤی رزگار بکەت، ژبەرکو گیانێ مروڤان ژ هەر رومال وتشتەکێ دیتر گرنگترە.- ل ڤێرێ ئەگەر تێبینی بکەین، د هەر سێ حالەتێن مە ل سەری دا بەحسکرین، دیار دبت وان پەیامنێران شیان هەبوون وی گەنجی ژ مەترسیا سووتنێ رزگار بکەن و د هەمان دەمیدا وێنەگرێن وان کارێ وێنەگرتنێ ژی بکەن وهەلویست و لایەنێ مروڤایەتیا پەیامنێرێن خوەژی نیشان بدن، بەلێ لدوماهیێ هەمی بوونە بەشەك ژ پەیدابوونا وێ رویدانێ وپێدڤییە پێرابوون دەربارەی وان بهێنە وەرگرتن، ئەڤە بەروڤاژی رەوشت وپیشەیا کارێ روژنامەڤانایە، دشێین بێژین زێدەتر پالدانا کارەکی مەرەمدار بوو وهەلنەگرتنا بەرپرسیارەتیەکا ئەخلاقی بوو.(روژنامەڤانی بو خزمەت و خێرا مروڤان یێ هاتی هەبوونێ) روژنامەڤانمحەمەدصديق