رۆل و پێگەهێ ڕاگەهاندنا پارتی دیموکراتی کوردستان ژ سالا ۱۹٤٦ تا ۱۹٦۱ێ د سمینارەکی دا هاتنە باسکرن
ئەڤرۆ ل ژێر چاڤدێریا بەرێز عومەر ئۆرەیی بەرپرسێ لقێ ۸ێ پارتی و ب بەرهەڤبوونا ستافێ کارگێریێ لقێ هەشت و کادرێن پارتی ل سنۆرێ ئیدارا سەربەخۆیا زاخۆ، ب هەلکەفتا ۱٦ی تەباخێ و یادا ۷۷ سالیا دامەزراندنا پارتی دیموکراتی کوردستان، سمینارەک بۆ بەرێز (د. فەرهاد محمد) ماموستایێ زانکۆیا دهۆک لدۆر (رۆل و پێگەهێ راگەهاندنا پارتی دیموکراتی کوردستان ژ سالا ۱۹٤٦ تا ۱۹٦۱) ل هولا لقێ هەشت هاتە سازکرن.
د سمینارێ دا د. فەرهاد محمد ماموستایێ زانکۆیێ باس ل قوناغێن هەستیار و دامەزراندن و رۆل و پێگەهێ راگەهاندنا پارتی دیموکراتی کوردستان کر د پێناڤ گەهاندنا پەیاما سەرکردایەتیا کوردی و بەردەوامیدان ب بزاڤا رزگاریخوازیا کوردی ب سەرکردایەتیا بابێ نەتەوەیا کورد بارزانیێ نەمر و خۆیاکر کو راگەهاندنا پارتی کاریگەرییەکا زۆر ل سەر ئاراستەیێ بزاڤا سیاسییا عێراقێ هەبوویە و د قوناغێن سەخت و دژواردا خزمەت کریە د دەستڤەئینانا مافێن رەوایێن گەلێ کورد دا ب رێکا گەهاندنا پەیام و سیاسەتا پارتی دیموکراتی کوردستان و جەنەڕال مەلا موستەفایێ بارزانی نەمر.
